俞琤投資700萬拍《虎毒不》　林日曦：佢話有錢賺捐心光

由談善言和「小野」盧鎮業主演的電影《虎毒不》現正上映中，但上映兩星期票房只有約230萬，上映場次愈來愈少。俞琤（YT）以母親俞吳明玉的名字當《虎毒不》出品人，作為對亡母的思念。一直視俞琤為恩師的林日曦，在社交平台隔空為對方應援，寫了一封給俞琤的信，表示一直等不到對方開口幫手宣傳《虎毒不》。相隔一日，林日曦再出帖表示YT終於聯絡他，並提到：「佢話佢一早已經同製作單位講，就算有錢賺，佢都係全數捐去心光盲人學校，佢叫我不如呼籲大家直接捐錢去心光……」。

俞琤之前在《虎毒不》謝票場時曾表示，其母俞吳明玉女士於2009年離世，生前是一名偉大的母親以及模範嘅新抱，但於晚年時不時跟YT說：「我好遺憾，我唔可以好似你咁有自己嘅事業，可以得到發揮，如果當年我有咁嘅機會，我諗我都可以做出一番成績。」因此，當俞琤接觸到《虎毒不》的故事時，二話不說決定要支持這部電影，作為對其母親的致敬。

林日曦前日（5月5日）在社交平台出帖文：「我一直等一直等，等極都等唔到你（YT）叫我幫手宣傳你嗰套《虎毒不》」，表示擔心YT「要硬蝕近千萬」。昨日林日曦再出帖文，表示收到YT的短訊並通了17分鐘電話，當中提及3件事：「【事1】佢解釋話套戲有人鍾意有人唔鍾意、評價兩極，所以之前先唔好意思叫我幫手宣傳，佢話而家我未睇套戲就呼籲人入場，佢擔心我啲讀者睇完戲之後會搵我算帳，佢怕害咗我。我的回應1：我啲讀者平時睇完我啲舞台劇都冇搵我算帳，證明佢哋啲接受能力極強……唔使怕」。

林日曦續寫：「【事2】佢話佢一早已經同製作單位講，就算有錢賺，佢都係全數捐去心光盲人學校，佢叫我不如呼籲大家直接捐錢去心光……我的回應2：做善事係好，我支持，但我唔係好明點解係呢個moment無啦啦叫人捐錢…有冇人明……」【事3】佢完全冇回應過關於我叫佢『過哂（晒）副身家俾我』嘅呢件事，仲懶叻懶興奮咁同我分享，話佢已經傾緊要支持另一個導演另一套電影……我的回應3：我正式宣佈，YT已經無可救藥，我打算放棄佢、Block咗佢，短期內唔再理佢，大家點睇（除非佢改過自新唔再投資電影，將副身家過俾某個更值得信任、短頭髮、身材瘦削、眉清目秀、筆名姓林嘅人）」。