【Oppo Find N5 開箱 | Z世代達人】全球最薄摺機 Oppo Find N5 有幾勁？頂級配置 + 相機級拍攝 +與Mac機無縫互通，攝機世一？ #FindN5開箱 #oppofindn5

又嚟到Z世代達人嘅時間喇。
今年喺手機界相信AI同埋摺機仍然係焦點，今日OPPO就發佈咗呢一部全新系列嘅摺機 OPPO Find N5，聽吓手上面嘅呢部新發佈手機簡直輕到好似一隻碟咁，究竟有咩特別呢？今日就同大家介紹吓！
OPPO Find N5 號稱係全球現時最薄嘅書本式摺疊型手機，摺起嘅時候厚度只有8.93 mm，拎上手嘅手感同一部普通手機冇分別，打開手機之後，8.12寸嘅內屏幕亦係現時最大。有外型，同樣有內涵，除咗支援HDRVivid 嘅Mon靚之外，處理器用上咗頂級嘅SnapDragon 8 Elite，一般日常使用以至睇串流、打機都不成問題！摺痕部份亦得到TUV德國萊茵最小摺痕認證同可靠摺疊認證，手機打開嘅時候，摺痕的確唔容易見到，而且開合亦相當順暢。
OPPO Find N5 喺拍攝方面亦落咗唔少功夫，後置有3個分別 5000萬像素廣角、5000萬像素長焦以及800萬像素超廣角鏡頭，三個鏡頭都支援自動對焦及2軸光學防震技術，長焦鏡支援3倍光學變焦，加入Hasselblad 嘅加持，拍攝人像達到類似單反相機嘅散景效果。
OPPO Find N5 通過咗 IPX6/IPX8/IPX9 防水認證，由唔小心整濕部機都跌咗落水，仍然可以確保正常操作。OPPO Find N5 亦都配備咗 5600mAh 電量，支援原廠80W有線快充同埋 50W無線快充，除咗足夠一日嘅電量之外，就算唔記得充電，差一陣就已經可以繼續用喇！手機亦支援WI-FI 7 同 eSim，對於對速度以及新科技有追求嘅用家嚟講就相當吸引喇！
OPPO Find N5 強勁嘅配置，當然支援各種人工智能嘅功能，包括AI文件助理同埋AI通話總結等等。比較特別嘅係，使用 ColorOS15 嘅 OPPO Find N5 可以同Mac系統無縫連接，包括遠端控制桌面同埋同步Mac嘅文件，喺發佈會現場都試過，直程好似一部迷你掌上型電腦一樣！
OPPO Find N5有黑色同白色兩個顏色選擇，配置 512GB內存 及 16GB記憶體，官方建議零售價係 $11999。