港姐︱14位佳麗穿白裙海邊晒青春　齊齊諗計減磅備戰泳裝

《2025 香港小姐競選》決賽將於8月31日隆重舉行。14位候選佳麗前日（31日）在視帝袁偉豪及師姐劉佩玥帶領下、出發前往馬來西亞檳城拍攝外景。昨日眾人已展開一連串拍攝工作，拍攝地點分別為當地市政廳、鐘樓、姓周橋及姓陳橋。佳麗們穿上清純純白少女長裙，在海邊進行拍攝，青春氣息洋溢。除了拍攝工作，她們與兩位主持袁偉豪及劉佩玥，還一起接受了當地傳媒訪問，大談對檳城的感受。

每年港姐外景的泳裝拍攝都是焦點所在，談到還有3天便要進行泳裝拍攝，佳麗們笑言正努力減磅作最後衝刺，當中之前為參選港姐減了14公斤的熱門之一7號施宇琪，坦言即使外景拍攝工作辛苦，仍會堅持每日跑10公里的習慣，相當有毅力：「我嚟之前每日都會跑10公里，希望可以減肥，不過仲有幾日，我儘量啦！」

同樣靠運動最後衝刺的，還有2號甘詠寧及13號袁文靜，前者主攻平板支撐，後者則以做gym為主。另外，6號朱文慧及11號梁倩萱，則選擇佛系減肥法，朱文慧笑言：「我希望馬來西亞熱啲，我哋可以直接出多啲汗，睇落去會瘦啲。」梁倩萱即表認同：「知道檳城會比較熱，所以應該都會流失好多水份，應該自自然然都會減到少少肥。」

雖然只是第一天拍攝，但佳麗們已對檳城美景讚不絕口，大熱之一的9號陳詠詩：「好興奮可以喺度一齊拍攝，同埋見到啲美景。」，而文雅儀就覺得天氣不錯：「今日都幾曬嘅，不過喺海邊有啲微風吹過黎，同埋冇香港咁潮濕我覺得。」至於梁倩萱就戥工作人員辛苦：「因為喺海邊，拍時都有陣陣涼風！都辛苦啲工作人員幫我哋抹汗，畀吓風扇我哋涼吓，好感恩！」美景之外，佳麗們與劉佩玥亦品嚐到當地盛產的榴槤，眾人躍躍欲試不同品種的榴槤，其中劉佩玥更食得津津有味。

東網網站 : https://on.cc/東網Facebook專頁 : https://www.facebook.com/onccnews/