Ivy So大晒性感川字肌　芯駖自彈自唱騷Quali

女團COLLAR一連兩場《COLLAR “GAME ON” LIVE 2025》演唱會，昨晚（28日）假亞洲博覽館舉行頭場，多位圈中好友包括江若琳與老公蕭唯展、廖子妤、許廷鏗、香胤宅、ROVER成員希晉與亨仔、樂隊Nowhere Boys成員Van及陳健安等亦有前來捧場。

演唱會甫開場，COLLAR 7位成員穿上閃爆歌衫登場，當中芯駖（李芯駖）、Marf（邱彥筒）、Ivy So（蘇雅琳）和Day（許軼）分別以短裙熱褲騷美腿，Ivy So和Day的短裙更露出打底褲，至於Gao（沈貞巧）、Candy（王家晴）和Winka（陳泳珈）則谷胸上陣，眾人先後跳唱《Call My Name》、《Run Boy Run》、《idc》及《暴走女團》等快歌，為演唱會炒熱氣氛。

在唱到《CALL BACK IN 20》時，眾人走到場中小舞台，近距離跟觀眾握手及送上飛吻，頓時令全場High爆，期間有歌迷更忍不住離開座位走近台前，Gao見狀即勸喻大家說：「大家快啲返埋位啦，如果唔係聽晚可能冇咗呢個環節。」歌迷亦相當聽話，立即乖乖回座。除了合唱，期間亦有穿插各成員Solo環節，當中較特別的有芯駖拿起結他自彈自唱《Creep》；Ivy So則更厲害，換上白色露腰裝唱《Kirari》時大騷川字肌，狀態可謂Fit到漏。

來到演唱會後半部分，眾人換上一身全黑舞衣登場，當中芯駖更「中路大開」，Deep V 晒線露黑Bra，相當性感！眾人一口氣跳唱《Back In The Game》、《SSS》、《OFF/ON》及《Riding High》等快歌，將現場氣氛推上頂峰。Gao向現場觀眾解釋演唱會主題「Game On」的意思，她説：「一講到遊戲就會諗起輸贏，例如籃球、競技或者打機都會有輸贏，人生就好似遊戲一樣，但無論點樣玩落去都唔會輸，點樣都會贏！我哋企響舞台表演、分享自己鍾意嘅事，如果台下嘅你、你、你或者你，有一刻覺得好想做呢件事，咁我哋就會好開心，Game on never game over！」COLLAR跟一眾Dancer手拖手在台上向觀眾鞠躬謝幕後，由Winka送上一首日語歌《Good-bye days》，為演唱會寫下完美句號。

東網網站 : https://on.cc/東網Facebook專頁 : https://www.facebook.com/onccnews/