張繼聰寫長文講道理　回應網民歌手排名：我連七線都入唔到

日前在網上出現一篇評選本地歌手的文章，有網民列出香港一線到七線歌手名單，之後未有上榜的張繼聰就在社交平台出長文，提到藝術創作示應用一線至七線來分，更用自己經驗鼓勵年輕歌手。

張繼聰出長文提到網民為香港歌手寫的評級列表：「藝術創作，到達一定水平之後，只有喜好並冇高低之分，有咩好比吖？你鍾意就支持唔鍾意都唔使睇唔起，你覺得佢七線咩？喺其他人心目中，佢就係『我最喜愛』……即係好似，你喺公司俾老細捽到細過粒塵覺得自己一文不值，返到屋企另一半當你係天王巨星如珠如寶，鍾意睇比賽可以去睇賽跑睇球賽。藝術創作好得意，攞走把尺，其實可以同時有好多種第一，我哋有好多出色嘅歌手，可以一字排開㗎。喺香港，影壇樂壇球壇邊壇嘢都好，都好需要你哋支持，咁多位大佬，射住。」

亦自嘲自己未有上榜：「其實係因為果個thread講咗九十幾位歌手，我連第七線都入唔到，激死人。咩線都做唔到，咪一樣可以開開心心，做音樂出新歌開show。」而且他更親身回應網民，有網民指張繼聰「演戲係好好，我心中香港最佳男配角之一」但歌手身份未有代表作，排不上七線很正常，張繼聰就回應：「嗱，借來做個例子。咪就係話呢樣已經好主觀囉，我喺你心目中係最佳男配角，thank you。但係喺電影評論學會，我已經攞過最佳男演員，又提名過男主角。聽我concert 嘅朋友，又首首歌都識唱，我喺你心目中七線都排唔上，That’ ok。」

亦有網民提到張繼聰年輕時被人叫「謝生」事件：「你都要活到呢啲年紀先覺悟啦，你後生嗰陣真係唔care人哋叫你謝生咩？」張繼聰也有回應：「你覺得啱呀，唔單止care，仲係好大嘅傷害。咁而家咪分享自己嘅經驗，想大家唔好經歷呢啲嘢，咁其實你呢段嘢係咩意思？」不少網民都大讚張繼聰說得有道理，長文亦有鼓勵年輕藝人作用。