姜濤墮海︱練美娟叫涼薄網民積口德岑珈其：做人唔好咁黑心

更新於 9小時前 • 發布於 11小時前

練美娟（左圖）與岑珈其（右圖）對有些網民冷血留言作反擊。（網上圖片）

AK獲知姜濤墮海的消息表現驚訝。（劉永銳攝）

MIRROR成員姜濤今天下午（24日）4時許，在西區副食品批發市場對開墮海，附近船上工作的人發現，姜濤清醒獲救，由救護車送往瑪麗醫院，其後姜濤已轉往私家醫院，晚上他在Ig報平安。

姜濤墮海事件成網上熱話，晚上出席品牌活動的MIRROR副隊長江𤒹生（AK）被傳媒問及姜濤墮海意外時表現驚訝，他反問記者：「佢（姜濤）有咩意外？（墮海）吓！我真係唔知，我check check先。」

有網民關心姜濤情況祝他安好，但也有不少嘲笑的負面評論，有多位藝人為姜濤發聲反斥haters。

練美娟：「積下口德啦。可以不愛但請都不要傷害。都唔需要你哋去慰問去關心，但見到嗰啲留言實在太涼薄，街邊見到個唔識嘅人咁嘅情況都唔會咁呀嘛？唔係因為打幾個字留個言唔使負責就咁呀嘛？」

岑珈其：「做人真係唔好咁黑心」

李昭南：「不以善小而不為，不以惡小而為之。發泄情緒有好多方法，唔需要發落人身上，尤其對他人不幸，冷嘲熱諷，不如今日停一停，休息下？」

《中年好聲音》的李泇霖：「我唔明點解啲人冇晒同理心，一人插一句，呢個世界黐咗線」

（即時娛樂）

被希望放棄的十六
其實同理心是舊香港人才特別高，跟大陸同化後就。。。。。
2小時前
行過路過
人地又冇做過D咩得罪你地，個個把口咁L毒，見人紅賺到錢唔抵得姐，唔好以為講幾句毒野會冇事，呢D口業都會有報應架，唔係報你身上就報係你D子孫身上，所以積下口德好
50分鐘前
欣
我諗佢真係有抑鬱症，收下把口好d，咪到時搞出人命就唔係講笑
1小時前
省立
李先生說，墮海男子當時身穿便服，沒有市民發現他就是姜濤，並說：「唔理佢姜唔姜濤啦，有人跌落水就要幫手」。學下李先生咁唔好有分別心同樣人地冇得罪你就都唔好咁毒將心比己！
1小時前
Joe
🤪🤪笑左咁楊千嬅呢？
1小時前