盧瀚霆生日會坐花車繞場親近神徒 跟陳奕迅同台完成一個願望

盧瀚霆（Anson Lo）明天（7日）30歲生日，今晚於亞博出席《Together We Celebrate》生日會，與5000名神徒（粉絲暱稱）慶祝，現場一片粉紅人海，繼續由Anson Lo好友練美娟（娟姐）擔任主持，盧瀚霆現身時全場尖叫，他非常「寵粉」向每個角落的神徒打招呼，感謝大家的生日祝福。生日會Anson Lo與神徒先玩兩個小遊戲熱身，然後在場內坐粉紅色花車繞場獻唱歌曲，近距離親近神徒表達謝意！其後大會推出生日蛋糕，5000名神徒一同合唱生日歌，令Anson Lo非常感動。」

Anson Lo生日會後接受訪問，他說：「見到好多神徒真係好開心，佢哋畀咗好多力量我。正日生日我要去做School Tour，要工作其實都好開心，公司幫我留起夜晚時間同屋企人一齊慶祝。」他早前接受手術，多謝全家人一齊照顧他，「我要留醫幾日，屋企人每日都會嚟探我，除咗煮嘢畀我食之外，仲會陪我好長時間，助手仲留低陪足我幾日添！」

說到胞姊昨日帶他的愛犬Amber出席「Anson Lo Charity Pet Walk」慈善步行，他說：「我好了解Amber嘅脾氣，我知道佢大部份時間都好興奮，加上佢好鍾意親近人，呢個慈善活動佢會好開心！辛苦神徒大熱天時參加，有意義之餘又好有Powerful！」

他昨晚與陳奕迅（Eason）同台演出好開心：「仲可以企佢隔籬唱歌跳舞，好似完成咗一個願望咁！Eason前輩佢係超級熱情，即使一日之內見足我哋幾次，但每次佢都會同我哋全隊逐個人擊掌。喺綵排時，我已經感受到前輩對音樂嘅熱誠，不停畀意見精益求精！」他自爆全對MIRROR都非常興奮，在後台時可以逐一影相，更表示柳應廷（Jer）是最興奮，回到後台都未能冷靜。

（即時娛樂）