Anson Lo自覺30歲係轉捩點：勇往直前擺低遺憾

男團MIRROR人氣王Anson Lo明日（7日）30歲生日，在生日前夕先跟5000名「神徒（粉絲暱稱）」舉行「Anson's 30th Birthday Party - Together We Celebrate」慶祝一番，穿上粉紅色上衣的他上台時，有煙花效果，他說：「Hello，大家好，我係Anson Lo盧瀚霆，大家好嗎？食咗飯未呀？我都未，一陣間先食，好開心喺2025年嘅生日會可以見到咁多位，我都冇諗過今年咁大規模，可以一次過見到咁多人囉，今年係個好特別嘅一年，大家講『29+1』，其實講30就得㗎啦，我唔會介意，我今年30歲，除咗愈嚟愈Man外，我都覺得30歲係個轉捩點，有好多過往嘅錯敗同一啲自己後悔、遺憾，同自己做唔到嘅嘢，我覺得要全部擺埋一邊先，勇往直前向前面諗同行，尤其30歲除自己事業外，仲有承擔感重咗好多，除咗照顧屋企人嘅責任、都承擔照顧每一位神徒，因為人開始大個咗，就更加想每分每秒，每個不同場合都想大家開心啦，你哋依靠住我嘅時候，有種被保護嘅感覺，希望今年生日會，大家同我一齊開心啦。」在生日會上，他風騷跳扭腰舞，並坐着附有心型裝飾的特製車「巡遊」，跟現場神徒握手打招呼，為生日派對掀高潮。

生日派對上，除了現場5000位神徒外，世界各地包括澳洲、美國、英國、日本以及馬來西亞等各路神徒都有拍片向Anson Lo送上祝賀，Anson Lo 亦有在台上分享自己近況，雖然早前已爆出他將於12月開個唱，但今晚（6日）當司儀提到年尾個唱時，Anson Lo一臉驚訝，因擔心「未講得」，並謂：「我驚其他嗰啲未講得，一陣間又世界大亂，不過，我生日唔驚啦，總之，係12月好頭嘅時間，單位數字嘅，2同7都係我幸運號碼，大約係咁啦。」之後，他再解釋不公開實際日期是因為加場的話，會令頭場日期有變，所以要暫時保守秘密。

至於大家都很關心Anson Lo手術後的復原進度，他都有交代一番：「其實開頭冇諗住同大家講，但驚出嚟時嚇親大家，但原來都冇乜用，大家都係好擔心， 放心冇事喇，依家已經好番9成， 再過一星期應該可以100%康復！」他還承諾會好好照顧自己，注意均衡飲食，養好身體。

東網網站 : https://on.cc/東網Facebook專頁 : https://www.facebook.com/onccnews/