龍婷首唱蕭煌奇創作新歌 盼將音樂會帶到大灣區更多地方

龍婷一連三晚在西九大盒舉行《龍婷旅程Story音樂會》圓滿結束，她昨晚（20日）在尾場演唱會上回顧由西洋菜街街頭表演起步，到九展Music Zone舉辦人生首場演唱會，再參加內地中央電視台比賽、踏上春晚舞台、奪《星光大道》冠軍。她表示疫情期間轉戰直播，最終重返舞台，更參加了《中年好聲音》而成為藝人。龍婷說︰「多謝你哋嘅支持，我先可以行到嚟依家。其實每一次開演唱會，都係一個提升自己嘅機會，好多謝大家畀機會我。」獻唱鄧麗君一系列歌曲時，龍婷走近觀眾席與歌迷握手，獲不少歌迷送上利市。

她在個唱上首唱蕭煌奇擔任製作人及寫給她的新歌《在來的路上》，龍婷表示早前到台北錄製這首新歌，很感恩在對方的指導下學到很多。獻唱演唱會最後一首歌《好歌獻給你》前，龍婷表示︰「希望可以將今次音樂會帶到大灣區唔同地方，令大家認識我。」完騷後，龍婷稱終於鬆口氣：「終於做完呢3場音樂會，由一開始籌備，到中間部分嘅準備，再到呢3日表演，其實係一個好好嘅過程，一個好開心嘅旅程。回顧番呢幾年自己行過嘅路，大家一直咁支持我，我真係好幸運。今晚終於可以唱新歌《在來的路上》，我希望呢隻歌係我全新嘅開始，可以再開展一段全新嘅旅程，希望大家會同我一齊行落去，多謝大家。」

（即時娛樂）