陳凱詠爆臨時急召做林家謙個唱嘉賓　引發大型算帳現場

歌手林家謙在紅館一連10場演唱會昨晚（20日）舉辦第二場，獲方皓玟、雲浩影、雷同二友、蔡一智、Serrini等好友現身觀眾席支持，而第二晚林家謙則邀請了陳凱詠（Jace）擔任嘉賓，憶起林家謙三年前同樣在紅館舉行演唱會，當時Jace因為檔期配合不上，只拍了視頻對唱，今次終於可以真人現身，令歌迷開心到飛起。

當台上的禮物盒打開，Jace驚喜登場時，觀眾歡呼大叫聲響震天，差點把她的歌聲也壓下去。兩人先是對唱《四月物語》，繼而再合唱《隔離》，台上Jace幽默對話揭露被「臨時急召」內幕，當場「引發大型算帳現場」，引發全場爆笑。Jace一出場即「投訴」：「好驚呀！第一次做你嘉賓，可唔可以咁講，但邊個臨時急，得一個禮拜通知我做嘉賓？一個禮拜通知都冇！搞到我鬼死咁緊張。」林家謙聞言笑指責任不在自己：「哈哈…問Alex（演唱會監製）啦，呢單嘢唔係我跟開！」Jace即刻反擊：「吓，你射走（卸責）？」家謙搞笑回應：「係咪想摑我兩巴？」互動盡顯好友默契。

其後，Jace繼續「翻舊帳」：「你成日搵得我好急㗎！四月物語嗰啲，都係突然間…！」家謙即感謝：「係喎，要多謝你做我四月物語MV主角，搞到View數高咗！」Jace隨即提出合作邀約：「你有冇睇我新歌MV ，我下隻歌好斯文，你幫番我手做主角啦！家謙做主角我多啲人睇，大家係咪呀？」家謙卻自嘲演技又反笑jace識玩：「你對我係咪有咩誤會？我指演技方面啊……哈哈…唔應該搵我做戲！依家啲人上紅館，都係用群眾壓力叫人幫手，識玩呀你。」Jace隨即宣布：「我識呀，我都準備…準備開紅館！」隨即引發台下歡呼聲。

東網網站 : https://on.cc/東網Facebook專頁 : https://www.facebook.com/onccnews/