輪候9年獲派40年井字形公屋要唔要好？網民：有得住就好感恩啦！

更新於 04月17日09:37 • 發布於 04月17日09:37 • 易發睇樓團

一名公屋申請者在輪候9年後，「第一派」獲派單位沙田大圍新翠邨單位，不過他們一家四口實地視察該邨後，因「另一半唔喜歡」、「小朋友嚇到驚」，令他「十五十六」對接受編配猶豫不決，於是在Facebook的「香港公營房屋討論區」發帖求助。

樓主又關注新翠邨配套和樓齡問題，求網民們意見：「附近好似唔多覺有街市？如果去附近街市最近要行幾耐左右？新翠都成40幾年樓齡，其實會唔會重建之類？想大家畀啲意見我再考慮一下，唔該」

帖文迅速引起熱烈討論，不少網民都指大圍交通便利，勸他接受編配：「大圍去邊都超方便！最重要有得住就應感恩！」、「好住，租平，交通方便，正嘢」。

亦有人指大圍校網好，適合有小朋友的家庭：「大圍簡直正啦！有小朋友就校網好」

生活配套方面，有大圍居民指：「大圍十分好住，我剛剛搬入1年，交通超方便去邊都得，街市有兩個隆亨街市，大圍街市，隆亨有惠康，新翠有百佳，再唔係就去圍方都有超市」

至於樓齡問題，有人表示：「新翠是舊些，間隔好用，自己整靚咪得」

不過，也有部分網民理解他的擔憂，建議他考慮再等待一次派樓的機會：「另一半同小朋友唔喜歡，真係要諗一諗，因為長住㗎，冇謂多咗條刺」、「都認同，井字形望落去真係好驚」。

想緊貼樓市最新動態，記得追蹤28Hse以下平台！

Joejoe
風涼水冷，夏天住呢類公屋好過住新型公屋，更加唔好同私樓比，井型公屋自動形成冷風循環，冷氣都開少好多，
04月18日11:59
斯斯
我自己就係新翠邨住嘅附近有乜有乜行去隆亨街市都係5分鐘左右唔鍾意去街市隔離有圍方、新翠商場、隆亨商場、冬菇亭學校配套齊全，幼稚園小學中學都有中學Band1到Band3任君選擇落樓就係巴士站，通往港九新界嘅車都有我諗唔明仲有咩可以嫌
04月18日11:45
洛子楓
猶"疑"🤡🤦🏻‍♂️
04月18日16:11
傑
呢d井字型唔係個個住到，一來出名風水唔好，二來你細膽住高層真係會腳軟XD
04月18日11:02
Ken➰Yeung
派到又阿吱阿咗，派唔到又阿吱阿咗。啲人真係世界真係越嚟越奇怪🤔
04月19日00:33