193被爆暗撻女團成員　留言反擊：爆你係邊間公司打手

男團ERROR成員193郭嘉駿出名敢言，面對網民抨擊，經常親自在網上直接回應，近日網民「X硬冇親戚」在網上討論區「連登」留言，以「193與Tania IG洩蜜，戀情藏不住！」為題，指193暗撻Lollytalk成員Tania，更列出多項證據，當中包括一張疑似街頭偷拍照，當事人之一的193不滿網民誤傳，今日（26日）凌晨在社交平台留言反擊，更威脅會爆料該名網民是某公司打手，而網民「X硬冇親戚」今日中午再隔空回應。

「X硬冇親戚」今日凌晨在討論區留言，直指193與Tania戀情浮面，列出二人IG洩蜜細節，兼曾被網民目擊一同行街及睇演唱會，更附上兩張疑似偷拍背影照。經常「mon post」體察民情的193幾乎即時在社交平台反擊，上載連登上聲稱偷拍照，留言：「X sir麻煩你唔好搞到我，咁矮一睇就知唔係我嚟，你騷擾到我的話，我就爆你係邊間公司打手，順手講埋你哋其他故事出嚟。利申：我係娛樂圈deepweb嚟，只不過人不犯我，我不犯人。」之後又補充：「不逐一回覆了，but X sir可能冇同佢公司某啲高層或其他部門了解最近佢公司有啲咩新project ，所以先會唔小心搞錯咗對象，希望佢公司高層會警惕一下佢。」引發網民熱議該名網民真實身分。

而面對193反擊，「X硬冇親戚」今日中午再度留言回應，直指「本人唔怕193」，先澄清圖片來自網上，只是轉發及報道討論，又解釋並不隸屬任何娛樂公司，雖然表示收到消息相中人並非193，更無懼再次焫著193，暗示對方另一半另一其人，最後更不忘呼籲：「你快D爆啦。」火藥味十足。