Lokman挑戰「BL」睇到眼凸　Yanny代入粉絲心心眼

由MIRROR隊長楊樂文（Lokman）和陳穎欣（Yanny）主演的舞台劇《我推的男子》10月公映，今日宣布終極加開1場下午場，合共19場。Lokman指今次反應不錯，希望長做長有，也想遲些重演，有提議一日演4場？Lokman指角色體力消耗大，一日兩場已是極限。

劇中Lokman演男男角色，表示讀劇本時都睇到眼凸，「角色係大膽咗少少，幻想空間好大，是小挑戰，尺度都熱，讀讀吓都要睇住女色嚟讀先得，讀劇本時聲音和心情唔協調，眼都睜大，都好嘅起碼有心理準備，（近番女色作平衡？）唔使，自己平衡。」笑言無後悔接演，今次也毋須除衫，講笑不想變限制級，又爆魯文傑好想除。Yanny笑言在旁欣賞Lokman的男男場口會心心眼，代入了粉絲心態看得好開心，當正他是另一半，指未婚夫不會呷醋，表示會捉男友來睇足10場。

另外，提到藝人柯煒林今日在社交平台公開患肺腺癌第四期，Lokman曾與他合作拍劇集《冰上火花》，表示睇到社交平台才知道對方患病，Lokman說：「希望佢在康復道路上愈來愈好，覺得佢懷着正面心情才出Po，希望佢盡快康復。（自己都小心注意身體？）都需要定期做身體檢查，」

至於Yanny跟柯煒林合作的電影《觸電》將於8月上映，近日開始宣傳期，所以很大感受，她說：「認識嘅佢係好Strong和好樂天嘅人，所以唔擔心，有私下短訊問候。」原本《觸電》昨日宣傳卻遇上黑雨取消，而名單上並沒有柯煒林的名字，Yanny表示之後的宣傳未知對方會否出席。

東網網站 : https://on.cc/東網Facebook專頁 : https://www.facebook.com/onccnews/