袁文傑做義工為流浪貓打皮下水 周志康甘心為愛寵鼻敏感

戴祖儀、陳懿德、游嘉欣主持的無綫節目《寵你一世》今晚（5日）播出新一集，嘉賓袁文傑去到有「港版貓島」之稱的大澳，做貓義工幫助流浪貓；周志康則帶同愛貓Smoky跟主持陳懿德學整寵物陶瓷及人寵印紋首飾。

「新任鏟屎官」周志康與愛貓Smoky整寵物陶瓷時，搞笑上演「人貓情未了」。Smoky是緬因貓，周志康透露太太與兩個女兒鍾情緬因貓，飼養Smoky的原因則是因為一場夫妻之爭。他說：「原本我同太太嗌交完全唔關貓事，只係佢最後個結論係『我咁嬲，我買隻貓返嚟啊』﹗」談及對貓毛敏感，周志康認為敏感也值得：「我甘願為Smoky流鼻水﹗」他回憶曾飼養兔仔，當時曾因兔仔離世而晴天霹靂，之後每次夢見兔仔都會喊醒。周永康提及傷心往事時，Smoky用腳搭住周志康。周志康感激Smoky陪伴：「每次我好攰時，佢永遠都會喺門口度等我。」

當上貓義工的袁文傑為有屙嘔狀况的腎病流浪貓打「皮下水」，他說：「拮入皮下嗰一刻，好需要勇氣。希望學識呢個技能後，可以幫助更加多流浪貓。」晚上，袁文傑與義工蘭姐結伴餵流浪貓。經過了一整天的貓義工體驗，袁文傑感嘆：「流浪貓冇得選擇，去到生命另一重意義呢，就係佢哋頑強地生存。」

（即時娛樂）