林俊其6年前對羅毓儀一見鍾情　見女神被壁咚狂呷醋

更新於 2小時前 • 發布於 2小時前 • 洪逸邦

林俊其自爆6年前己對羅毓儀一見鍾情。

無綫戀愛綜藝真人騷《女神配對計劃》近日成為城中熱話，最新一集將於明日（6日）出街，今集輪到兩條女神李芷晴（Stephanie/Step）及羅毓儀（Yuki）進行「三角枱約會」，當中林俊其（Kris）火力全開對女神展開猛烈追求，連「花生團」之一的江美儀高呼「冧死」。

最新一集輪到羅毓儀進行「三角枱約會」。

林俊其在節目自爆早於六年前，在劇集《伙記辦大事》拍攝現場已對 Yuki一見鍾情，更直接向女神告白：「嗰次真係我第一次見你，你係（演）陪審團，跟住你一嚟到時，咁啱我就望到，『嗯？！呢個女仔…幾好』」說畢，更向 Yuki 送上一個迷人電眼，令 Yuki 忍不住用甜到漏的聲線反問：「真咩？…」眼見 Yuki 看似被攻陷，Kris 再出多兩錢肉緊，表示當日所有注意力都放在Yuki身上，又在節目上自揭過去六年對Yuki 的愛意斷斷續續，以及會拖到今時今日才鼓起勇氣表白的原因。

林俊其火力全開追女神。

羅毓儀冧到不停甜笑。

花生團都相當肉緊。

雖然 Kris 簡單一個愛苗萌芽故事冧掂Yuki及女神「唉吔媽咪」江美儀，但並不代表他與 Yuki 發展順利，對於 Kris 情深的「愛的解釋」，Yuki 基本採取半信半疑態度，並一口氣提問了大量問題，Kris 不懂解釋的同時，花生團亦很肉緊，江美儀更表示：「好老尷啊佢兩個！」就連 Kris 本人，亦覺得追 Yuki 之路好 Kick：「我都知道佢係安全感唔係好夠嘅人，佢質疑我係咪咁㗎、係咪咁㗎，所以都 kick㗎。」早前 Yuki 在海選中曾因 Kris「好似好了解我咁」大為心動，不過過了一輪冷河之後，Yuki 忽然清醒，並突破盲腸直指有「愛的間諜」：「我覺得好奇怪，因為我同你唔係好多接觸，但你講好多嘢都好中（我），我即刻好陰謀論，係咪 xxx 或者xxx 通水？」Kris 最後爆出一個連 Yuki 也意想不到的人名。

林俊其與羅毓儀曾拍攝同一部劇集。

林俊其坦承拍劇期間對羅毓儀一見鍾情。

另外， Kris 原來完全無法忍受目擊 Yuki 與其他異性約會！事緣 Yuki 與Kenneth 聊天加深了解時，Kris 全程雙眼無光兼失落嘟嘴；當發現 Yuki 與對方傾得投契時，更數度展現各式各樣黯然樣，遭江美儀直指「好失落啊，陰公」、「直情係失戀（咁嘅樣）」。除了神情、Kris 的行為亦突顯了他的醋意，事緣當主持人兼媒人阿 Bob 出來宣布進入下一個回合時，駭然揭發 Kris 在整段前菜用餐時間內、竟完全沒有碰過他的頭盤菜「生牛肉他他」，不過當 Bob 追問：「我想問Kris，做咩完全冇食過啲嘢」，為免醋意外露的 Kris 唯唯諾諾表示：「有食嘅有食嘅。」豈料卻遭阿 Bob 將那盤恍如剛上枱、就連用以調味的生雞蛋也未有撈勻的「生牛肉他他」舉起反問：「咁呢啲係咩嚟？」事後 Kris 坦言當刻內心不是味兒：「我嘅對象同第二個傾緊偈，好想專心食飯，但冇辦法，我真係好在意佢哋」、「我不能一心二用，食嘅話又聽唔到佢哋講嘢。」

Yuki 組的動作題同樣抵死，是要三位勇士透過「壁咚」令 Yuki 心跳及腎上腺爆標！相關回合對於 Kris 來說也是一個大波折，皆因當 Yuki 與其他組員進行壁咚時，Kris 全程擰歪面不敢直視，樣子相當難熬。

羅毓儀在節目中被壁咚。

林俊其擰轉頭唔敢睇。