陳瀅搣甩「肥瀅」污名　拋胸晒線騷Quali

陳瀅今日（5號）出席活動，修身成功的她大騷哥利，穿上Deep V短裙大騷南北半球及長腿，被指身上千萬鑽飾不夠其完美身材價高，她連聲多謝，自言一直為新劇《璀璨之城》Keep Fit：「因為可能有大膽啲嘅場口，要着少啲衫。（有幾大膽？）劇本仲執緊，我仲未開拍，不過我做梗肌肉訓練，唔太着重磅數，係要增肌，依家手臂有啲，希望有最靚嘅馬甲線，條線出緊嚟架啦。（成個人瘦晒喎？）所以依家唔係追求磅數，（係你最瘦嘅階段？）應該係10年前影寫真嘅時間，依家同當年仲差5磅。」對於搣甩「肥瀅」之名變「苗條瀅」，她開心謂：「多謝，依家係興白同微胖，（你咪唔使減？）我希望大家愈嚟愈接受啦，唔係愈瘦就愈靚，咁大家唔使咁大壓力。」

陳瀅又謂減肥以做運動為主，半年期間做到腰痠骨痛，但覺得值得，每周做3至4次，有時跟JW齊踩室內單車。問到JW傳拍拖，她即反問：「係咩？（唔好扮傻啦？）不如講番我身形啦，（見過JW男友？）我聽聞過，但我又唔會干涉大家嘅私人感情事，大家想講時咪講囉，我每次見佢就係踩單車，（JW感情未夠穩定？）唔清楚。（緋聞男友周嘉洛可滿意你身形？）所有朋友見到我都覺得我精神咗同健康咗，都有同嘉洛同朱仔（朱敏瀚）做運動，（嘉洛身形好唔好？）好啩，佢身形一直都好好，（有冇約朱仔緋聞女友陳曉華一齊？）咁又冇，因為我哋都係《痞子》嗰班人。」

另外，談及在新劇《執法者們》中，她被強暴的性感演出引起大回響，她表示：「嗰場戲試咗好多衫，拍時都有小小壓力，因為女仔拍呢啲戲始終唔太舒服，但當日所有人好配合，拍得好順利同好快，兩位男對手都準繩，難受唔係好耐，播出就幾秒，但其實係拍咗成日，真係台下十年功，台上一分鐘，呢次拍劇算罕有性感，可能自己大個咗接受能力高咗，未試過就想挑戰，好似《璀璨之城》嗰一場更大膽嘅戲係我自己要求嘅，未嘗試過。」問對手是否張智霖，她笑而不答。 另外，前輩雪妮病逝，曾在《廉政行動2019》合作過的她指對方是非常有耐性及肯指導後輩：「佢係好溫柔嘅女士，知道消息之後都覺得好可惜。」

東網網站 : https://on.cc/東網Facebook專頁 : https://www.facebook.com/onccnews/