張振朗朱敏瀚操肌有節奏　晒麒麟臂爆笑扯蝦

視帝張振朗與朱敏瀚是圈中的好兄弟，2012年他們拍攝無綫劇集《拳王》時，日操夜操，fit到爆燈，自此之後，朱敏瀚更養成每日都會去健身室操練的習慣，而振朗貴為無綫力捧小生，當然要時刻保持狀態，以迎來每次不一樣的角色挑戰。

二人經常糖黐豆一樣，一起旅行、一起看演唱會，就連去Gym都打孖一齊，昨日振朗於社交網PO出二人做運動時的片段，更配文:「我諗呢個先係真正操嘢嘅節奏」。片中開頭二人Chok到爆，朱敏瀚更大晒麒麟臂，之後條片不斷播出二人的做運動時的大頭表情，配以「咿咿呀呀」的聲音，就連他們自己都忍不住笑，振朗更攰到挨住器械「扯蝦」，狀甚搞笑。就連周嘉洛都留言笑指:「好有sense好powerful 啲重點都表達得好good」。

東網網站 : https://on.cc/東網Facebook專頁 : https://www.facebook.com/onccnews/