葉蒨文遭GM暗示好「Kam」關嘉敏少女貼紙相惹黑人問號

無綫戀綜藝真人騷《女神配對計劃》，周日晚（24日）播出第12集，亦是《女神配對計劃 最後告白》推出前播出的最後一集！《女神配對計劃 最後告白》將於9月8日這個星期，一口氣播出6集，讓觀眾追看配對結果。

本集5位女神葉蒨文（Sophie）、李芷晴（Stephanie）、關嘉敏（Carman）、羅毓儀（Yuki）、梁敏巧（Maggie），以及9位求愛勇者曾展望（GM）、林堡熙（Eddie）、林俊其（Kris）、黃家俊（Matthew）、細John（姜卓文）、陳衍丞（Kenneth）、海淦清（T.Max）、林焌堯（Jacob）、劉啟進（Matt）將穿上校服，在2位班主任林盛斌及黎芷珊帶領下，與3名神秘踢館者，上演一場「那些年，我們一起追的女神」。

本集除有火藥味十足的踢館情節，還有「女神過去常識問答比賽」，考驗9位求愛勇者及3位踢館者對女神「感應度」；為了增加花臣兼花生指數，問題分為「普通題」及「專屬題」，「普通題」是大包圍性質，一條問題針對5位女神；「專屬題」顧名思義是與5位女神個別自身有關的問題。

普通題問題包括：「有冇喺學生時期暗戀過人」、「喺學生時期，曾經同時畀五個或以上嘅人追求」、「成績表評語『條裙經常過短，嚴謹留意高度』」、「有冇試過畀人欺凌」、「有冇試過因為犯錯而見家長」、「有一位女神細個想做考古學家」。

眾多答案之中，場面最混亂竟是「考古學家」題，問題一出，向來口多多的GM即九秒九問：「呢啲咁Kam嘅嘢邊個？」Kris聞言搶答：「好似係你嗰個（指Sophie），Sophie扮嬲反擊Kris：「做乜話我Kam？」之後話完有「考古學」想法好Kam的GM，答題時竟舉圓圈，令Sophie再遭Yuki搞笑「踩多句」:「GM都覺得你Kam！」被最愛GM列入Kam系的Sophie，最後說了一句：「GM話最Kam係我」，GM見狀補鑊：「唔係，你愛歷史！」另外，大部分女神讀書時均曾遭受欺凌，有不止一位女神、於讀書時試過同時被5名男生追求。

至於5條專屬題中，最令大家頭痕的題目非關嘉敏莫屬！事緣Carman提供一張中學時期與女同學影的貼紙相，問題是「呢張相入面邊個先係Carman」。由於事主提供照片不但因「舊到模糊」，相中兩名女生的外表，亦似乎與現在的Carman扯不上任何關係，令Matthew及細John陷入黑人問號，與Carman心意相通的Matthew亦投降：「我睇咗好耐，因為兩個都唔似Carman。」

另一條是Sophie的專屬題，Sophie拿出中學時期美術作品—白色的八爪魚，問題則是隻八爪魚「點解係白色」。由於問題相當意識流，GM及Eddie亦分別將自己對Sophie了解發揮得淋漓盡致，Eddie以八爪魚作品上，有很多小鏡子作為解題著眼點，GM則以Sophie喜愛哲學作為思考根據。

（即時娛樂）