高海寧長期受濕疹折磨生眼挑針　中西醫合璧康復八成致情緒焦慮

發布於 4小時前 • 二弟

高海寧（高Ling）、周嘉洛與黃庭鋒今日（19日）出席節目《Grand住去利物浦》宣傳活動，早前他們一起飛到英國利物浦晏菲路球場朝聖，見證利物浦捧盃奪得英超冠軍，之後參加勝利巡遊及大歎利物浦美食，相當開心。但開心背後，高Ling近年受濕疹困擾，眼睛出現紅腫問題，因此今天只能以淡妝現身，又坦言已看過不少中西醫，問題一直未能根治，變成長期折磨，更影響演戲。

高Ling）、周嘉洛與黃庭鋒早前一起飛到英國利物浦晏菲路球場朝聖。

今日眾人齊齊現身出席節目《Grand住去利物浦》宣傳活動。

高海寧今日以淡妝現身，接受訪問時提及現在眼腫和痕癢影響工作情緒，出現焦慮，她說：「呢個星期右眼仲生咗兩粒黃豆咁大嘅眼挑針，令到眼睛發炎，拍唔到嘢，成世人都未生過眼挑針，一生仲要生兩粒，依家唔使開工就唔化妝。」

高海寧今日以淡妝現身，原來最近右眼更生了兩粒「黃豆咁大」的眼挑針，令眼睛發炎。

高Ling說如果近日不用開工，都情願不化妝。

高Ling坦言已經比之前好轉不少。「好返八成，而家仲有傷口，希望快啲好，其實都幾影響我嘅工作，濕疹又會腫又會痕，眼挑針直程唔出得鏡，變相會影響到我演戲，我係對自己要求好高，我係唔想影響到工作，變相而家中西合璧（醫治），希望好返。」高Ling說自己現已戒口戒得好清，會盡量去調節自己。

高海寧自爆長期受到濕疹折磨。

高Ling看了很多醫生，中西合璧醫治，加上戒口，至今仍只能康復八成。

早前高Ling亦透露希望放長假好好休息。「因為自己要求好高，所以好容易感受到壓力，所以都要搵方法抒發一下，希望拍埋《璀璨之城》之後，10月可以放長假休息。」她坦言每年都有做詳細的身體檢查。「我都注重身體健康嘅人，但有時有啲可能長期工作嘅壓力、疲勞，會令到免疫力低咗，希望大家都保重身體。」

高Ling前幾日貼出三點式旅遊相，透露希望放長假好好休息。

可惜手上仍要拍劇，估計10月才可以放長假休息。