今晚有歌廳｜周國豐曾遭陳慧嫻暗語嚇親 以為收詐騙訊息

周國豐、支嚳儀、黃劍文、顏米羔主持的無綫節目《今晚有歌廳》，今晚（27日）播出的新一集請來龍婷、陳俞霏現身，獻唱陳慧嫻的經典金曲。周國豐表示陳慧嫻是一位幾可愛的歌手，還分享兩人的有趣小故事。他說︰「陳慧嫻擔任《中年好聲音2》評審前，曾以『暗語』聯絡我，因為佢好耐冇同我溝通，唔知個電話號碼係咪我，於是WhatsApp嗰段內容就寫『你係咪豐豐啊？我係胃癌姐姐呀』。我喺度諗，係咪詐騙message呢？咩『胃癌姐姐』呀？我當時反問佢係唔係陳慧嫻，仲扮女聲模仿佢回覆『我驚呢個電話唔係你吖嘛』﹗」

龍婷透露16歲時前往廣東實習，因在公園裏聽到陳慧嫻的《飄雪》而點燃了愛唱歌的心。她表示：「當時我心諗，邊個唱㗎？咩歌嚟㗎？點解咁好聽嘅？後來知道係陳慧嫻嘅歌曲，我就開始學唱佢嘅歌。佢令到我本來明明係跳舞嘅，但後尾點都想要去唱歌。」陳俞霏在節目中分享「逃婚男友」的故事，她透露男友在結婚前幾天突然消失︰「求婚係佢求，我唔係好明。隔咗兩個禮拜，佢去咗我做嘢嘅城市向我道歉，佢話佢去算塔羅牌，算到唔好嘅嘢，所以佢就要走。」

（即時娛樂）