鄭伊健改機票留港現身陳慧琳舞台揭暖心合作拍戲往事

更新於 3小時前 • 發布於 3小時前

鄭伊健特別改機票，留港擔任陳慧琳昨晚紅館演唱會嘉賓。（大會提供）

陳慧琳紅館演唱會舉行至第9場，她笑言「得番半條人命」。（大會提供）

陳慧琳走近觀眾席與歌迷合照。（大會提供）

陳慧琳為身穿的舞台服改名「西芹裙」。（大會提供）

陳慧琳與鄭伊健合唱一曲《甘心替代你》。（大會提供）

鄭伊健獨唱一曲《發現》。（大會提供）

陳慧琳（Kelly）昨晚（26日）舉行第9場《Season 2萬人結界演唱會》，請來鄭伊健現身舞台。昨晚是7月20日因颱風延期的場次，Kelly透露伊健原定7月20日擔任嘉賓後離港，當晚的演唱會因颱風延期，伊健最終成功改機票留低參與演出。兩人在台上合唱一曲《甘心替代你》後，伊健分享一段鮮為人知的往事：「拍《東京攻略》Ending時，我要喺零度跳海拍爆炸戲，凍到郁唔到等船接，點知突然見到Kelly伸出『神聖之手』。雖然佢拉唔到我上船，但佢特登走出嚟，呢份心意我一直記得。」Kelly聽完大笑：「真係全靠隻手！」

伊健續說：「當時拍動作戲搞到肌肉撕裂， Kelly竟然送盒粉紅色平安膏畀我，好感動，但真係唔多襯佢形象。」Kelly表示：「以前出埠最鍾意帶嘛！我同你合作多數喺海外，《東京攻略》喺東京、《幻影特工》喺馬來西亞、《盜馬記》喺布拉格，仲有30年前澳洲演唱會，所以今日專登著西芹裙歡迎！」伊健卻笑Kelly似「Big Bird」，他還透露首次與人合唱《甘心替代你》。Kelly瞪大眼問：「真㗎？」

音樂總監雷頌德（Mark）特別從英國返港助陣，他在台上真情告白，表示十分感謝Kelly及其經理人鍾珍。雷頌德說：「你成日多謝我，搞到好似冇雷頌德就冇陳慧琳，其實冇陳慧琳就一定冇雷頌德。真係㗎﹗大家話，唔係陳慧琳，邊有人有氣質唱《風花雪》？唔係陳慧琳，邊有人夠清純唱《誰願放手》？唔係陳慧琳，邊有人咁型唱《花花宇宙》？所以好多謝你請我嚟享受我哋呢30年嘅成果﹗」雷頌德之後與單立文、鄧建明（Joey Tang）送上《一切很美只因有你》，眼淺的Kelly再次眼有淚光。

完場時，觀眾不肯離開，Kelly被觀眾熱情感動安歌，她說：「把聲開始沙，聽日仲有尾場，真係得番半條人命！送首少唱嘅《You're the one》畀大家。」

（即時娛樂）

查看原始文章