F4聚頭食過翻尋味　傳今晚將二度合體繼續賺錢

更新於 2小時前 • 發布於 2小時前 • on.cc 東網

F4上次合體大受歡迎。

佢哋再接再厲，有傳今晚二度合體五月天個唱。

早前朱孝天開騷，就提過會有「售後服務」。

周渝民同吳建豪已經到咗北京。

睇嚟傳聞係真。

台灣男子天團F4成員言承旭、周渝民、朱孝天、吳建豪，日前喺台灣樂團五月天大巨蛋演唱會睽違12年重聚，之後朱孝天於直播中坦言同其他3人唔係非常熟，但開個人演唱會時，「F3」難得送上花籃提醒朱孝天「記得歸巢」。據台灣消息稱，F4將二度合體，時間點亦曝光，就係今日（27日）五月天假北京鳥巢嘅演唱會。

先前朱孝天等人分享，上次F4重聚，主要係阿信同工作人員說服，希望可以搵番過去美好時刻，朱孝天亦喺南京個人演唱會上預告會克服萬難，再次合體F4：「給大家青春的售後服務！」而五月天7月12於台北大巨蛋完成演唱會後，今日起再喺北京鳥巢開唱，其中一場嘉賓據傳會再次搵嚟F4。

就F4再度重聚登台，台媒致電詢問相信音樂，至截稿前未得到回應。而先前「F3」送畀朱孝天嘅花籃中就可見端倪，上面可見「F3」寫下：「祝孝天：演出順利~~~對了，唱完記得歸巢喔，啾咪。言、吳、周敬上」，當時外界以為4子將於鳥巢舉行活動，如今睇嚟係暗示緊二度於五月天演唱會上合體。尋日（26日）亦有多位F4粉絲目擊，周渝民同吳建豪落地北京，二人相談甚歡，關係非常親密，相信F4今晚喺五月天北京鳥巢演唱會驚喜亮相事在必行。

東網網站 : https://on.cc/東網Facebook專頁 : https://www.facebook.com/onccnews/

查看原始文章