《女神配對計劃》升級一星期播6晚　大量甜蜜CP照互動片曝光

發布於 08月29日07:47 • 機

《女神配對計劃》大量甜蜜CP照互動片曝光。

TVB戀愛綜藝真人騷《女神配對計劃》將於9月8日開始進入新章節—《女神配對計劃最後告白》，一星期6晚播映。五位女神葉蒨文（Sophie）、李芷晴（Stephanie）、關嘉敏（Carman）、羅毓儀（Yuki）、梁敏巧（Maggie），及9位求愛勇者曾展望（GM）、林堡熙（Eddie）、林俊其（Kris）、黃家俊（Matthew）、細John（姜卓文）、陳衍丞（Kenneth）、海淦清（T.Max）、林焌堯（Jacob）、劉啟進（Matt），3位踢館者胡溢文、謝家豪Cyrus，及榮嘉爾Jay，在節目中大玩「七夕放閃」。而被全城熱捧為天生一對的GM及Sophie，憑一組「兩小無猜」的學生CP照再度引爆關注。

GM為Sophie整bow tie背後有段故。

「逆轉神還原」Sophie於台慶時為GM整bow tie。

雖然GM的IG Caption只是簡而精地「祝大家七夕快樂」，但他卻先後上載了幫Sophie繫蝴蝶結、甜蜜打籃球及包剪揼的照片，青春合襯度爆燈，加上Sophie一張流露愛意滿滿的眼神，夠晒應節。至於同樣被睇好與Yuki配對成功的Kris，則甚有心思地寫下：「如果…2019 11.25初次遇見 20250406再次遇見 2025…」。Sophie亦搞笑爆料指Yuki與Kris在現場一味掛住影相。

Yuki與Kris這一對同樣被睇好。

而今轉「花式示愛」中最有創意的，非律師Matt及太子爺Kenneth莫屬。堪稱「暖男擔當」的Matt，在IG上載與Maggie的「童年照拼圖」，並寫道：「雖然遲咗禁（咁）多年先見，但係總算遠距離同你一齊翹過腳同黑過面，同埋陪你感受過一齊着校服嘅日子，七夕快樂」。而Matt的肉麻心事卻換來Maggie「責難」：「你做乜偷偷地save我post story嘅小朋友相。」更神來之筆曲線甜蜜回應Matt心意：「乜咁啱嘅咩，細細個都係攞同款甫士表情，同埋用同款梳化嘅咩」。

Matt的創意和心思，贏得Maggie的認同。

而Kenneth主打的是以「食字Gag」向Step示愛：「為你”芷晴” ~ 傾我至”丞”happy happy」；雖然有點爛，但同時又有點抵死，更激發其他新舊求愛勇者創意，Matt：「嘩，丞總改埋歌詞添喎」、Him（林澤謙）：「"丞"個老襯從此被困。」當事人李芷晴更興奮留言：「啲歌詞笑死我。」

Kenneth以「食字Gag」向Step示愛。

而為配合9月8 日首播的《女神配對計劃最後告白》，製作組與女神／求愛勇者從周三起陸續上載最後倒數式的CP甜蜜互動reels，先後為Sophie+GM+Eddie「嬲字式Changing Partner」、Kris+Yuki的「拇指姑娘」及Step+Jacob+Kenneth的「甜蜜自拍轉轉轉」，之後會繼續晒出關嘉敏組及梁敏巧組的甜蜜互動片之餘，還有其他絕密曝光的遊戲／甜蜜短片。

Step與Jacob不時有低調的甜蜜。