袁潔儀演《執法者們》再成焦點　曾流產3次勸武警老公搵二奶

現年58歲的袁潔儀最近在TVB《執法者們》與宣萱飾演好姊妹，雖然袁潔儀出場不多，但一定是矚目的配角之一。袁潔儀於1989年參與《亞洲小姐競選》而入行，2000年轉投TVB，於2009年離巢北上發展，與曾任職武警、現為商人的內地男友結婚，並定居內地。日前袁潔儀接受鍾慧冰的YouTube節目《冰姐的花樣人生》訪問，透露曾3度流產，因自責曾建議老公「包二奶」。

袁潔儀透露在內地登台期間，在機緣巧合下邂逅當時任職武警的老公，由於兩人是「姐弟戀」，袁潔儀一直沒有結婚打算，「點知係天注定，我突然間有咗，老公話梗係生落嚟，咁我哋咪排期結婚，嗰陣我哋喺香港註冊」。二人本來雙喜臨門，卻在排期結婚期間發現BB沒有心跳，要自然流產。

兩人結婚不久後，袁潔儀就再懷第二胎，可惜一個月後出現同樣情況；而懷上第三胎時，雖然順利度過3個月，卻驗出BB有很大機會是唐氏綜合症，權衡利弊後，決定排期做引產，但卻因膀胱撕裂要做手術。「原來係我太大力搞到撕裂咗，自此之後我呢個子宮嘅環境跌到好低谷，就算我再重新去調整，都唔可以再懷孕。」

由於怕自己成為老公的負累，袁潔儀曾提議老公包二奶傳宗接代，「以前古代嗰啲人都係三妻四妾，我老公多一個都好呀！因為我老公比我年紀細，成日驚我一老會帶畀佢一啲負累。所以成日喺度諗……佢應該係有小朋友，如果係佢自己小朋友仲好，但我又唔想左搞右搞，搞完之後又得個吉，最好就係佢揾多個二奶啦！」。袁潔儀直言老公曾找過代孕，不過因為生意很忙，而且費用高昂，最後打消念頭。