網上熱話｜人妻趁老公中風入院1個月即提離婚 疑想分公屋 51歲事主崩潰：我可以點
香港地樓價高企，縱然現時經濟動盪，各區樓價仍未見大跌趨勢，上唔到車的人仍然為安樂窩而煩惱。以為排到政府公屋可以安穩渡過下半生，都要小心身邊人係咪同你一條心。近日，一位早前因中風入院的51歲港男在社交平台發文，指妻子在其入院不足1個月突然提出離婚，疑似想分走公屋，令他不禁崩潰高呼「我可以點做」。
人妻趁老公中風入院1個月即提離婚
有錢人怕離婚分身家，大多都會預先簽訂婚前協議，但沒料到平民如我們都有機會體驗所謂的「分身家」。早前，一位港男在社交平台發文，現年51歲的他早前因中風入院，沒料到住院1個月都未夠，老婆就突然向他提出離婚，令住緊老人院的他十分錯愕。
疑想分公屋 51歲事主崩潰發文
事主在文中坦言是「公屋戶主」，可能因為現時身體不適要住老人院，老婆想憑藉離婚分走其公屋，無奈的他只好上網「請教各位師兄」、「我想問我會唔會無咗間公屋」、「又或者申請唔到公屋」，文末更崩潰道「想請問我可以點做」，睇字都feel到他的無力感。
網民嘲諷：何伯2.0？
可能因為近年頻頻出現公屋相關的「情騙」，有網民關心地問及「你們結婚幾長時間了？是假結婚的嗎？你收了幾多錢？子女是你們共同生育的嗎？」，事主亦一一回答指「結婚已經廿幾年」、「佢（妻子）年紀大過我呀」、「（住夠）夠7年的內地人」，二人共同撫養「十幾歲」的子女。不少網民嘲諷「7年到拎身份證同你離婚拎埋你間屋 、 再申請自家老公落黎」、「似乎係你太太睇準機會全佔間公屋」，亦有好心網民教事主「問社工，問房署，提早部署」，更有人直言「又係何伯」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)