Justin Bieber父親節向老友發大火宣布絕交

加拿大天王Justin Bieber的精神問題近期惹來外界關注，他周日（15日）即父親節竟然於社交網公開與友人拗交的短訊截圖宣布與友人絕交！

雖然今年是他成為父親後的首個父親節，但卻沒有留言講感受。而妻子Hailey Bieber亦未有於父親節出post祝老公父親節快樂，相反，她竟然於父親節當日留言表示「父親節糟透」。而Justin當日竟然於社交網分享與一名好友鬧交的短訊截圖。

在短訊中Justin表示：「我嘅憤怒係回應我經歷過嘅傷痛，要求一個受過創傷嘅人唔好受到創傷，這簡直係刻薄。」而他的朋友回應：「我唔慣有人對我大發雷霆，但唔等於我見唔到或感覺唔到你嘅憤怒。」之後Justin即表示：「哎唷。呢段友誼正式結束。我永遠唔會接受一個男人將我嘅憤怒說成係發洩。」而Justin亦表示自己永不會為某人壓制自己的情緒，他說：「衝突係關係中一部分。如果你唔喜歡我嘅憤怒，就等同你唔喜歡我。」

東網網站 : https://on.cc/東網Facebook專頁 : https://www.facebook.com/onccnews/