方泳琳「卸貨」在即　自爆患妊娠糖尿

「籃球女神」方泳琳與前甲一籃球員陳張敏的愛情結晶品還有1個月便出世，她網晒多張美麗孕照，穿了黑色貼身運動衣，肚子巨大，幸好樣子沒有水腫，十分甜美可人，而且手腳纖幼，佗BB都咁靚女，可謂得天獨厚，而今次老公都有出鏡，湊成「1家3口」的幸福家庭照。不過方泳琳留言就自爆患有妊娠糖尿病，「呢兩個月嘅懷孕心得！聽好多人講話佗最後1個月身形會暴脹，體重亦會急劇上升，好彩嘅係我仲未有呢個情況，不過喺個幾月前，去健康院飲糖水測試Fail咗，對！我有妊娠糖尿，所以我要控制飲食，要食啲升糖指數慢嘅食物，食嘢嘅次序都要調整，結果到咗依家，我嘅體重係冇重過，但我個肚又愈嚟愈大喎！」她說前兩天去做產檢時，醫生告知BB大了很多，名副其實是長胎不長肉，又指無論是否有妊娠糖尿，都應該要控制飲食，食健康和有營養。方泳琳回覆東網指當獲知有妊娠糖尿後，發覺原來此病在孕婦中相當普遍，「唔一定食得甜嘢多就有呢個病，我應該係屋企人有糖尿，所以有遺傳，好多人一生完就會冇事。同埋我唔算嚴重，只係超咗標少少，（擔心BB提早出世?）我都準備會開刀，所以BB都預咗會提早少少出世。」

東網網站 : https://on.cc/東網Facebook專頁 : https://www.facebook.com/onccnews/