網上熱話｜港男一家住公屋48年主動退租：做返個有公德心既市民
輪候公屋人數持續高企，一名港男與家人在屯門公屋居住48年後，選擇退租交還單位予政府。他感激這個「養大自己」的地方，並披露退租原因，引來網民討論與讚賞。
樓主早前於社交平台Threads已貼出清空單位的照片，可見地上有多個紙箱，他表示：「阿爸阿媽間公屋住咗40幾年，我都住咗20幾年……依家終於交返俾政府，雖然周圍都爛哂，都有啲唔捨得，真心多謝依個地方，他又指單位位於屯門三聖邨，「幾十年點都有感情」，強調「公屋幫咗好多人」。他透露搬遷原因是「買咗私樓俾父母養老」，並會負擔所有管理費及地稅，而自己本身亦早已置業，與父母分開住。
「自己都受惠左幾十年」
網民留言讚他孝順仔及有公德心：「肯交返公屋有幾多個？」、「放返間公屋幫助有需要的人，值得尊敬！」樓主謙虛回應「做返個有公德心既市民姐」、「既然自己有能力買樓，都想交返間屋出黎幫助下一位租戶，畢竟自己都受惠左幾十年」。
回憶成長點滴 「鄰里關係依家冷漠咗」
樓主又回憶在公屋成長的點滴：「以前鄰里關係好好，依家冷漠咗」、「以前人情味又真係難搵返」、「細個冇冷氣就打開哂門瞓」、「樓梯口打麻雀、碌架床都係集體回憶」、「80年代成班細路係冷巷玩」，感嘆「以前好多細路，依家變咗老人邨。」
他又指社會人口結構轉變，鄰居由本地家庭變成多數新移民，語言不通令交流變少：「阿媽都話鄰居講普通話，見到都係點下頭，傾唔到計。」有網民稱「住邊度都好，只要隔離鄰舍係正常人，有禮貌，唔會四圍拋垃圾，日嘈夜嘈，已經當中六合彩」，樓主同意：「咁又係，鄰里關係都好緊要」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)