張繼聰放狗變網友狙擊　自爆每日8點起身帶出街

歌手張繼聰和太太謝安琪領養了貴婦狗Choco、Luffy及Sparky及唐狗晶晶，一屋四犬砌成「器」字，有吉祥之意。日前阿聰就帶其中一隻愛犬Sparky漫步沙灘，並將人狗情未了相上載社交網上，惹來不網民留言，問他是否只帶Sparky出街，而冷落了其他三隻狗，又擔心烈日下，地面熱過火爐，可會令狗狗腳掌受損。

而阿聰對於網民關心他的愛狗狀況，在社交平台回應，笑言每次分享狗仔散步相，都有糾察隊嘅朋友留言，為此他統一回應：「講一次，我每朝八點起身，出發前一定會摸地下溫度，揀一啲有樹蔭嘅路，時刻留意小狗嘅反應，隨時補水，散步三十至四十分鐘，返屋企。過咗九點就唔會行，怕溫度太高。就算每日工作幾繁忙，都好享受每朝起身同小狗散步嘅時間，我覺得咁樣係我哋開始每一日嘅重要儀式。接觸大自然，會得到好大嘅力量。」

阿聰自信錫狗的程度不會少於任何一位留言的網民：「你睇我嘅post係一時，我照顧我嘅小狗係一世，所以，唔使擔心。我有膊頭，而且個腦仲可以。」他亦覺得香港的天氣酷熱程度近乎「黐線」，所以有溫馨提示狗主要好好護愛犬，亦祝福所有主人和小狗幸福快樂，不過文末似有暗示「搞事者」之嫌，他又謂：「冇乜嘢，我會繼續分享同我啲狗仔嘅相，不過有啲朋友… 唔使㗎啦﹗」

東網網站 : https://on.cc/東網Facebook專頁 : https://www.facebook.com/onccnews/