Ray Online｜梁美芬憶曾參加內地「乞兒團」　鼓勵小朋友也要天馬行空

香港教育制度成日被形容為「填鴨式」，經民聯立法會議員梁美芬憶述早年曾經參加內地大學生「乞兒團」，即係西方嘅「生存營」，身上面一毫子都冇，但要生存7日。佢鼓勵小朋友要天馬行空，唔好只追求成績。

梁美芬在麵舖洗碗

立法會教育事務委員會今日討論香港學生參與國際研究同評估嘅情況，梁美芬分享個人經歷，話1988年參加內地大學生「乞兒團」，喺一毫子都冇嘅情況下，要由北京去到杭州。而團友就出盡法寶，有人賣唱，梁美芬就幫麵舖洗碗。

梁美芬鼓勵小朋友天馬行空，唔好鼓勵佢哋太完美主義「科科攞A」，其實喺鍾意嘅科目攞A就得，唔使十項全能。學校亦要夠膽同家長講，要接受仔女喺一啲科目上失敗。教育局局長蔡若蓮同意要畀空間同學嘗試，唔好追求事事完美。有高要求係好事，但家長同時要為小朋友提供發展空間。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)