無視碧咸生日　忤逆仔晒同外父慶生照片

英國前球星碧咸（David Beckham）家變風波持續發酵，與父母一家反面的大仔布魯克林（Brooklyn）上月無視碧咸的50歲大壽，然而昨日（1日）卻於社交網站分享與美國女星妻子妮歌娜佩絲（Nicola Peltz）富豪父親佩雷茨（Nelson Peltz）慶祝83歲生日的照片，留言留下心心符號，明顯厚此薄彼。不少網友睇唔過眼，有人留言表示：「你家人喺邊度呀，布魯克林？」又有人表示：「我為碧咸感到難過。佢咁鍚啲仔女，布魯克林冇咗老竇佢乜都唔係。」更有人嘲諷：「嘩你真係揀咗個更有錢嘅老竇。」

至於妮歌娜亦於自己社交網站分享一批生日派對照片，留言表示：「生日快樂老寶！我好幸運可以做到你個女，你係世上最有愛同支持、係我夢寐以求嘅老竇。我講唔出自己有幾愛你，你係我羽翼下面嘅風。我好開心噚日同你慶祝！多謝你一直喺我哋身邊，一直提供愛同支持。」

東網網站 : https://on.cc/東網Facebook專頁 : https://www.facebook.com/onccnews/