小S二女畫作涉抄Labubu + 奈良美智　大師發文疑嘲諷

更新於 16小時前 • 發布於 16小時前 • on.cc 東網

Lily最近高調開畫展，成全台熱論。（圖：中時電子報）

有粉絲指佢啲作品似「Labubu + 奈良美智」（圖：中時電子報）

呢幅畫Lily指係受大S啟發而畫。（圖：中時電子報）

好在奈良美智有解釋，如果唔係變嘲諷。

有網友建議佢應該動用關係去搵藝術家收自己為徒。

好在大師冇嬲佢。

藝人小S（徐熙娣）17歲二女Lily（許韶恩）近日首次開個人畫展，因其作品未正式開展就已被圈中名人爭相搶購，唔少網友評論Lily似乎好有藝術天分，同時亦有網友話佢只係靠星二代資源。Lily受訪時表示自己有受到日本藝術家奈良美智啟發，點知即被網友認為佢啲作品風格似足「Labubu + 奈良美智」！

估唔到Lily開畫展一事已傳到去奈良美智耳，佢日前於社交網貼出Lily提到佢嘅新聞截圖，並寫下日文：「有受到哪位藝術家的影響嗎？」以及3個笑臉符號，有網友解讀佢係隱晦表達「我要笑死」嘅嘲諷意思，唔少人都直言幫Lily捏把冷汗。未知是否網上爭議聲日益高漲，奈良美智急急再次以中文解釋：「為了避免誤會，我想發一篇文說明一下。她說我是『對她有影響的作家』，我聽了真的很開心。」先令爭議有所緩和。

不過有KOL亦發文指，自己以退役畫畫老師身份嚟睇，Lily無疑係有才華，仲建議佢去搵幾個名師或藝術家學習，甚或好好利用星二代身份，請媽媽動用關係等佢喜歡嘅藝術家收自己為徒，咁樣打磨出成績嘅機率比一般人一定會高非常多。

東網網站 : https://on.cc/東網Facebook專頁 : https://www.facebook.com/onccnews/

查看原始文章