堅尼地城N Plus burger 🇭🇰 海旁漢堡包店
571 觀看次數之前喺灣仔都有食過 覺得幾好食
擁有澳洲自家牧場嘅漢堡包店
最近佢哋開咗新分店喺堅尼地城海旁
可以望住個靚海景食☺️
喺人氣打卡點隔離 暫時都未算係好多人🙂↕️
店舖樓高兩層 空間感夠晒大
上層以露營風為主題 座位較多
下層就係美式嗰啲漢堡包店嘅設計
窗邊位同樣都睇到海景！
特別覺得佢哋漩渦造型嘅藝術裝置幾靚🫶🏻
對住海旁嘆返個burger 飲返支德國啤酒其實都係唔錯嘅選擇🙂↕️
➖➖➖
1️⃣Winner winner chicken combo $108
爆脆爆脆雞堡
真係幾鍾意食佢哋嘅酸種漢堡包😆
原來係來自Bakehouse ！
質感軟熟有牛油香 亦唔會太過油
佢哋嘅炸雞都幾大塊 肉質夠嫩
配上香草蛋黃醬 幾惹味🫶🏻🫶🏻
係略嫌炸雞外皮有少少硬
另外跟餐配咗番薯條 比較幼身
但係番薯味都好突出 幾甜
配埋Honey Mustard sauce 幾好食
➖➖➖
2️⃣ Black Knight Egg Burger combo $118 🌟
另外呢一個係期間限定嘅漢堡包
啖啖黑椒煎蛋漢堡 黑椒味真係非常之突出
會帶辛口感覺～ 煎蛋亦做到微微燶邊
中間嘅蛋黃有流心效果
配上牛肉漢堡扒 肉味濃郁！
今餐配咗薯角 夠晒飽滿 好足料 外脆內軟
➖➖➖
3️⃣ Crispy Chicken Tenders $49 🌟
小食另外仲有脆雞柳 都幾大件
肉質唔會太過乾柴 幾juicy
點埋松露醬一齊食更加香口☺️
➖➖➖
4️⃣ Grilled Brussel Sprouts $49
好似平時西餐食嘅椰菜仔
味道比想像中容易入口
唔會有草青味或者苦澀嘅感覺
➖➖➖
5️⃣Jazzy Grape
跟餐唔使再加錢！
係提子同埋茉莉花嘅口味 飲落有啲似果汁
但係整體唔會太甜 而且幾清新 底下仲會有啲似蒟蒻嘅配料🆒
6️⃣iced black +$10
跟set 就另外再加$10
來自巴拿馬嘅咖啡 飲落覺得幾balance
➖➖➖
📍N Plus burger @nplusburger
西環堅尼地城爹核士街1號裕福大廈地下2號及3號舖
▼Follow @sa_foodieadventure
自動播放下一則