《奇情谷》訪問資深私家偵探 揭有錢女為貼男友跑私鐘
由導演火火、吳若希（Jinny）及曾展望（GM）主持的TVB Plus直播節目《奇情谷》，昨晚（7月8日）一集主題為「私家偵探」，請來偵探總會創辦人、從事偵探工作24年的何國光（Jeff）擔任嘉賓，分享私家偵探之日常。對於外間一直以為私家偵探只會捉姦，Jeff澄清說︰「私家偵探唔止捉姦，我哋主要做民事案件，例如工傷搜證、商標、錢債糾紛，搵對家地址派法庭傳票等。」網民在chatroom的反應熱烈，都想知道當私家偵探的要求，Jeff說︰「都有好多要求，要醒目有應變能力、記憶力好，仲要識執生，應付突發事件。」他笑言太靚仔、靚女可能未必適合。
Jeff分享幾宗奇情案件，當中一單是男客人被前度以有對方骨肉為由，不斷索取金錢。男事主求助Jeff，希望取得BB的DNA作親子鑑定，他說：「透過跟蹤先了解女方嘅作息時間，跟住部署大龍鳳。用咗公司大部份同事，喺佢屋企樓下整咗個嘉年華。有人扮魔術師扭波波，有啲負責派奶粉做獎品，因為個BB兩歲幾。」當目標人物出現後，一班人便開始送奶粉並逗BB玩，時機成熟便藉機收集BB口水做檢驗，最後證實BB並非男事主的骨肉。
Jeff亦遇過一宗「案中案」，一對男女鬧離婚，雙方父母想知道是否其中一方出軌，故委託Jeff調查，最後證明男方果然有第三者，但深入調查後事件並非表面般簡單，Jeff說：「原來女方搭上女同志，所以設局同老公嘈交，等佢心情低落出外散心時，再搵其他女性埋佢身，目的係想離婚攞多啲贍養費，因為男方嗰邊都有頭有面。」另一單作為父母聽到都會心悒，千金小姐跟基層男子拍拖，被父母反對後離家出走。父親實行經濟封鎖，希望女兒回心轉意，但一段時間後女兒仍沒有回家返，父親委託Jeff調查，發現女兒表面當保險經紀，實則是在高級會所當公關，更隨時會撞到父母的朋友，令他們聲譽掃地。