「波波」黃婧靈敷面膜出事　患玫瑰痤瘡含膿劇痛

早前颱風韋帕襲港，藝人黃婧靈（波波）因敷面膜引起皮膚過敏，當日冒着風雨到醫院求醫，令網民十分擔心，事隔幾天，波波終於在社交平台晒出靚相報平安，表示經已痊癒，又上載患病時的敏感圖，自爆患上玫瑰痤瘡，她說：「皮膚敏感真係好折磨，完全上唔到妝就連防曬都搽唔到，成塊面好似長期十級火災，好熱同好痛，仲要傷口爆咗有膿，有玫瑰痤瘡嘅人應該一定會明，同埋身體發炎就係慢性癌症大家千祈唔好忽視自己每一次嘅敏感！」並分享患病後有三做和三不做，三做是多飲水、食得健康和早睡早起，不做是不吃刺激食物，不飲酒和不要不開心，希望與皮膚敏感的朋友共勉之。

波波受訪時表示除了看醫生外，配合飲食作息令病情得以好轉。「依家作息好定時，呢排夜晚9點幾就瞓，飲食方面，除咗拍飲食節目，平日食得好清，食原型食物為主。我會飲好多水，最少飲兩公升，不過飲水係因人而異，睇自己身體負唔負荷到。」她指發病時皮膚發熱，用凍水降溫才得以抒緩，會避免曬太陽及要做足防曬。波波自認貪靚愛照鏡，患病時時刻鏡不離手，認真照爆鏡。

東網網站 : https://on.cc/東網Facebook專頁 : https://www.facebook.com/onccnews/