八號風球市民如常外出消費掀熱議 網民憂惡劣天氣意識大減 批風假變「消費假」
本港每到夏天都會有颱風來襲，若香港天文台懸掛八號烈風或暴風信號或以上的警告信號，大部分市民都會停工停課，惟不少餐廳、零售店等都會如常營業，亦吸引到一定「放風假」的市民光顧甚至消遣。有網民日前有感而發，認為政府已預早通知市民天氣將轉趨惡劣，「明明俾左(咗)成日時間你去準備，去儲糧，但係依然大把人闊佬懶理」，直言香港應回復至八號或以上風球「咩都唔開嘅日子」。
▼韋帕襲港期間，發出十號颶風信號的市況▼
「無車搭又嘈，無餐廳開又嘈」
帖文引起不少網民的同意，有人覺得很多大型屋苑均有有蓋通道連接商場，居民滴雨不沾已能前往商場，「於是市民對惡劣天氣意識低咗好多，風假真係當假期咁消費」，當商家發現有消費者便會要求如常營業，「然後形成惡性循環」，亦有人稱十號颶風信號下地底段鐵路會繼續行車，「加上越嚟越多住宅、商場、辦公大樓連住地鐵站，對於市區人嚟講，十號風球仍然可以外出，自然就有需求開鋪。」有留言指，八號風球的原意就是要求市民留在安全地方，「啲人係要出街，無車搭又嘈，無餐廳開又嘈」，「結果而家倒過來，10號風球都要話開演唱會。」
不過，有網民就擔心八號風球下仍要開工的打工仔，若沒有餐廳營業又如何果腹，暗示餐飲業有其必要營業，情況難一概而論。另一回應指，「所以正常唔係服務大眾放緊風假嘅市民，依家咁多唔係嘅去塞爆間舖，買個餐可以要等45分鐘，分分鐘仲要風雨下來回公司又耐啲」，加上店員「做到死死吓」及部分顧客「催催催」，令員工壓力倍增。他坦言並非反對食肆打風期間營業，「只係太多人照出到街，就唔使放風假，你係香港老細會唔會繼續甘心俾風假？」
▼網民意見及留言逐格睇▼
▼八號風球要求員工WFH是否合法？▼
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)