Lewsz拍MV被Alice狂摑　自嘲喜歡另類「打戲」

發布於 08月29日10:23 • 機

Lewsz拍MV被Alice狂摑。

華納唱片旗下男歌手Lewsz推出新歌《我（上個月）真的喜歡你》，由周國賢作曲、黃偉文填詞、Goro Wong編曲及李一丁監製。製作班底不單止華麗，而且除李一丁之外，其餘音樂人都係 Lewsz 從未合作過，平時多數自己一手包辦創作和製作的他坦言：「第一次成首歌製作部份都無參與，都幾有新鮮感呀！」。

Lewsz推出新歌《我（上個月）真的喜歡你》。

「我上個月真的喜歡你」這個想法其實來自Lewsz的真實經歷。現在的他回想以前的愛情關係時，可以很清晰地記得當時的自己是非常喜歡另一半，但如今，這種曾經「喜歡」的感覺已經消失得無影無蹤。不禁令他思考，原來所謂的「愛情」，正正是這樣難以捉摸、不能預計。至於為何是「上個月」：「之前同Wyman講起歌詞想法時，我畀咗呢個故事佢，記得曾經一直都好喜歡一個對象，但突然有一日好似唔再記得有咁鍾意過，所以Wyman就將呢種想法寫做呢份歌詞畀我。」

歌名來自Lewsz的真實經歷。

今次MV請來Alice許寶恆擔任女主角，當中更有狠狠摑Lewsz 一巴和鬧交的場面，平時電量充足的Lewsz亦因連環被摑不禁目光呆滯苦笑。Lewsz自言現實中沒有被女仔打過：「我印象中係無嘅，但可能唔記得咗……哈哈！我覺得我應該無！」 Lewsz拍攝時越被摑越偷偷笑，自嘲喜歡另類「打戲」。

今次MV請來Alice許寶恆擔任女主角。

Lewsz笑言：「被Alice摑呢個場口其實都好難忘，因為Alice都冇乜『摑』人經驗，再加上其實我哋本身都唔算認識，只係一面之緣，直到拍MV當日先叫傾多咗偈，所以其實當日試位、咩角度摑落嚟，我哋都試咗好多次，到真係拍都有7、8 take，每次一cut機，Alice都會好擔心佢會唔會摑得太大力，我同佢講你放心摑啦！當我係渣男咁摑落嚟，哈哈！」

Lewsz被Alice掌摑很難忘。

Lewsz自言拍攝前與Alice並不相熟。