Ray Online｜江玉歡工作報告惹離別揣測　指視乎市民觀感決定是否參選

更新於 2小時前 • 發布於 2小時前

江玉歡工作報告惹離別揣測(資料圖片)

立法會換屆選舉今年12月舉行，畀人感覺敢言嘅選委界議員江玉歡噚日發表工作報告，喺序言「千字文」入面提到即使唔再以立法會議員嘅身份服務大家，都會換一種方式留喺呢片土地上。外界即刻揣測佢係咪唔爭取連任，江玉歡回應話冇諗過會引嚟各界遐想，序言只係感性之言，會視乎市民對佢嘅觀感，決定係咪參選。

江玉歡喺工作報告序言一開始就提到，呢份係今屆立法會議員旅程嘅最後一份工作報告，取名《藏冬》，同大家講心裡話。江玉歡話想為呢4年議員之旅做個小結，提醒自己就算去到任期最後一刻，都唔能夠卸下「為民服務」嘅擔子，站好最後一班崗，為呢4年承諾有個紮實嘅收尾。

全球競爭力2025｜香港上升2位（am730製圖）

全球競爭力2025｜第10位荷蘭（am730製圖）

全球競爭力2025｜第9位卡塔爾（am730製圖）

全球競爭力2025｜第8位瑞典（am730製圖）

全球競爭力2025｜第7位愛爾蘭（am730製圖）

全球競爭力2025｜第6位中華台北（am730製圖）

全球競爭力2025｜第5位阿聯酋（am730製圖）

全球競爭力2025｜第4位丹麥（am730製圖）

全球競爭力2025｜第3位香港特別行政區（am730製圖）

全球競爭力2025｜第2位新加坡（am730製圖）

全球競爭力2025｜第1位瑞士（am730製圖）

江玉歡寫到助理成日向佢「吐槽」，話接嘅個案求助太多、接受嘅採訪太密，但佢知道助理心入面比邊個都更清楚佢嘅本心，嘴上面「抱怨」，但工作從不含糊，就算加班到深夜，都會將市民嘅求助信息一條條整理好、跟進好。團隊入面每個人都明白，只要江玉歡仲擔住立法會議員呢個身份一日，就會盡最大能力幫助市民。「如今任期將滿，我心裡沒有不捨的悵然，只有踏實的坦然─因為這四年，我相信自己未曾辜負『議員』二字的分量。」江玉歡話未來就算唔再以立法會議員身份服務大家，都會換種方式留喺呢片土地上，或者會更頻繁走入社區，聽街坊講心事，或者會繼續關注民生議題，搭起更多溝通橋樑。

外界揣測呢篇係離別感言，江玉歡今朝喺電台節目回應話冇諗過令大家有遐想，強調目前未決定係咪參選。至於有冇興趣出戰直選，江玉歡就話唔係咁容易，對佢嚟講喺選舉委員會界別會有更大發揮。佢又唔認為自己屬於言辭過激嘅議員，只係講嘢直接啲。