莎朗史東自爆拍《本能》被拍檔米高德格拉斯嫌棄冇名氣

早前有電影公司宣布將重拍90年代經典情慾懸疑片《本能》（Basic Instinct），當年女主角莎朗史東（Sharon Stone）有望回歸。而67歲莎姐日前受訪時自爆與80歲男拍檔米高德格拉斯（Michael Douglas）拍攝時曾不和。

莎姐自爆米高嫌棄她冇名氣，米高當時曾猶疑是否接拍，她表示：「佢唔想同一個不知名嘅人打出個屁股拍床戲，而我係明白嘅。」而莎姐更透露他們首次見面時拗大交，導致米高不想與她綵排，她憶述當時拗交的導火線：「當時我同大班人個個坐喺度，米高與一個人同佢嘅幾個小朋友傾緊。由於我好熟悉呢個人，所以我講咗幾句，佢（米高）回答我，講咗句：『你知乜Ｘ嘢呀？』明顯我觸怒咗佢，佢向我尖叫。而我唔係嗰種怕得罪超級巨星嘅人。所以我即時推開我張橷，並同佢講：『出去傾！』那次就係我哋首次見面。」莎姐笑言米高不想她擔任同片拍檔，不過她直言後來他們成為好友，而自己亦好崇拜他。

莎姐不和言論公開後，米高即透過發言人回應：「我對佢（莎朗）嘅言論非常之意外。不過我唔記得那時候同佢有拗過交。」之後米高表示當與導演與莎朗認識後就知她就是女主角適合人選。

東網網站 : https://on.cc/東網Facebook專頁 : https://www.facebook.com/onccnews/