奇情谷｜殯儀師獲黃子華「破地獄」挽救友情：多咗人搵我聚會

由導演火火、吳若希（Jinny）及曾展望（GM）主持的《奇情谷》，昨晚（4日）主題為「殯儀統籌」，請來兩位真實版「真‧子華神」的殯儀統籌師劉善樹（Joe）、澤雄（Keith）擔任嘉賓，分享陰陽兩界奇情故事。賴慰玲再度以嘉賓谷主身分亮相，暫替追蹤女神的曾展望（GM）。

Joe分享入行經過，他透露原本從事名店工作，因為疫情影響跟電影《破‧地獄》中黃子華演的角色遭遇類似，他說︰「殯儀業同賣奢侈品一樣，都係好需要尊重客人嘅行業，做咗名店10十幾年，帶番個服務去殯儀業，有意想不到效果。」

Joe表示入行初期，要從事多分兼職應付開支，聽到不少閒言閒語，他略帶無奈說︰「兼職公司同事會私語話我發埋啲死人財，好多呢類說話。」不過《破》上映之後，情况完全不同，他笑說︰「以前啲朋友避免同我一齊食飯，套戲上咗之後，多咗人搵我聚會，仲成為焦點。」Joe變相獲黃子華「破地獄」。

Joe被問到大富之家與一般市民，在選購骨灰盅有何區別時，他表示富貴人家要求較豪華，更喜歡選購「家庭裝」骨灰龕位，他解釋︰「佢哋會搵私營骨灰龕場，貪佢可以揀喜歡位置，價錢當然亦會貴，龕場仲會提供家族位，可以放到4到30個骨灰盅。」

Keith自少立志從事殯葬業，主要是受電視劇集、傳媒渲染高收入。他表示目前除殯儀工作外，亦會接手凶宅清潔工作，他說︰「以前可能只係叫啲師傅做法事『潔淨』地方，𠵱家會做埋環境清潔、辟味等。接過一單凶宅清潔，上到去客人要求丟晒雜物，我哋會建議等過咗回魂先咁做。」不過對方堅持，惟有照做，翌日Keith收到客人電話，對方表示獲亡父報夢質問，他說︰「我叫佢去廚房睇下米缸有無異樣，佢話見到有一個掌印。」

Keith解釋相傳老人家回魂時，會用手量米看看家人是否有足夠糧食。最後建議客人紮一套雜物燒給亡父求心安理得。Keith表示清潔凶宅最難搞是腦漿及辟除血腥氣味。

（即時娛樂）