羅浩銘新片蒙特利爾參展：觀眾出奇地睇得好開心

藝人羅浩銘（Ken）首度兼任策劃、動作指導及演出的電影《觸電》日前參展加拿大蒙特利爾（Montreal）《奇幻國際電影節 2025》的「Selection 2025」單元及舉行首映。Ken曾於溫哥華讀書，但就首次到蒙特利爾，他表示電影是粵語對白，配中英文字幕放映，初時擔心以法語為主的當地觀眾未必看得明白，豈料現場反應熱烈，他說：「出奇地佢哋睇得好開心，會笑大師（林敏驄）同埋 Will（柯煒林）嘅互動，同Yanny（陳穎欣）嘅曖昧關係，佢哋會有少少感觸，特別動作場面佢哋Hyper到踩地、拍手、會嗌，我係好開心。」

他笑言當下沒有立即拍下觀眾的反應，大感可惜，指觀眾在映後分享會時踴躍提問，因場地時間有限，最後走到場外繼續與觀眾交流。他今次花了近20小時坐飛機才抵達當地，但感到好值得，慶幸能親身感受到現場氣氛，他並期待這部電影可以繼續參與不同地區的電影節，與製作團隊再到不同地方交流，同時希望觀眾保持喜歡看電影的初心，無論演員是誰，只要題材感興趣便入場支持。

東網網站 : https://on.cc/東網Facebook專頁 : https://www.facebook.com/onccnews/