郭嘉駿分享愛上打籃球歷程 每日為箭豬頭髮型gel一個鐘

ERROR成員郭嘉駿（193）有份拍攝的ViuTV節目《公司逼我打籃球》下周一（23日）首播，從小就是學校籃球校隊成員，曾入選南華籃球少年隊的他昨天在社交平台撰文分享小時候愛上打籃球的原因及過程。193回憶小學五年班時，學校籃球隊有一個空缺，他因為長得高大而被教練安排參加選拔，從沒接觸過籃球的他連射5球也不入。落選後，他因為羞愧，自覺身高比其他同學更接近籃框，卻連把籃球放入籃也做不到，便開始風雨不改地到住所樓下的籃球場練習，又觀看NBA賽事學打波，更迷上第一位籃球員偶像艾佛遜（Allen Iverson）。時隔一年，193再參加籃球校隊選拔，成功入選更成為隊長。之後，他一直追逐籃球夢，由校隊、青苗、地區隊、青訓，再加入球會，到英國讀大學時亦有加入籃球隊，直至回港後因工作太忙而開始忽略了籃球，一放下就差不多10年。

193感謝《公司逼我打籃球》這個節目令他重拾對籃球的熱誠，他說︰「長大以後見識多咗，多咗好多興趣，但時間亦都少咗好多。不過原來冇一樣嘢係可以比得上喺籃球場上得到嘅快樂，嗰種好純粹好簡單直接嘅快樂係非筆墨能形容。籃球係第一樣令到我感覺到努力係會有回報嘅嘢，所以一直都好想紋個籃球喺身上提醒自己。」為了紀念自己重拾對籃球熱誠，193特別在手臂上紋身紀念，並刻意加上「Only the strong survive」字句。他解釋︰「原來呢句嘢由我小學五年班開始就不知不覺植入咗我腦海深處，亦都係我一直做人嘅宗旨。」193又分享小時候留了一個箭豬頭髮型的照片，他說︰「以前細個剛接觸髮泥同hairspray嘅時期，每日要用一個鐘gel呢個箭豬頭。」

（即時娛樂）