女神配對計劃｜曾展望葉蒨文甜蜜互動放題 GM變「呷醋撒嬌王」

無綫節目《女神配對計劃》由曾展望（GM）在第一集向女神葉蒨文（Sophie）真誠表白後，2人甜蜜互動成為焦點。

周日（22日）晚播出第3集《女神》，直擊葉蒨文與3位組男林澤謙（Him）、林堡熙（Eddie）及曾展望GM的「三角枱約會」；民望最高的GM，雖然外形條件優越、亦具備Sophie最喜歡的幽默特質，但阿Him及Eddie實力亦不容忽視，除了同為港隊代表，2人亦具備Sophie鍾情特質，阿Him獲女神讚夠純粹，Eddie因擅長看Google Map、擊中Sophie愛四處遊玩的特質，其中一人獲Sophie高度評價為「男版葉蒨文」，GM要追到Sophie，絕非穩操勝券！

「三角枱約會」分三大回合—「前菜、湯及主菜」進行，每個回合3位男組員，均需接受製作組，因應女神擇偶條件設計的任務角力，葉蒨文的3項任務，分別為口味、刁鑽泊車技及磁性情話大挑戰。

整集重頭戲，落在GM與Sophie面對面撐枱腳環節！GM口花花大叫「蘇菲姐姐」，又向Sophie說：「第一次同你兩個人食飯！」面對靦腆的GM，Sophie再度「主持」上身控制氣氛，主動問GM要不要品嘗她點的菜，又向緊張的GM問：「定係你想食我口水尾吖？」GM馬上把握機會接招：「如果你想我食，我唔介意㗎！」在其餘兩名參賽者觀戰下，2人仍公然耍花槍，難怪花生友江美儀被閃到尖叫！

GM再以Sophie曾為他送上一杯畫有Candy（Sophie《愛‧回家》中的角色名字）圖案的愛心咖啡，展開進一步強攻：「你知唔知呢件事（送咖啡）好危險，因為會令人心跳得好快嘛。」

GM指當年與Sophie合作《愛‧回家》期間，Sophie因感覺到他不開心，向他送上這杯「Candy Coffee」，令他甚為感動，不過亦因為這杯咖啡，令GM滿腦疑問，並於Fine Dine時再試探追問Sophie：「你係咪成日都咁樣買畀其他人？」、「咁你可唔可以以後唔好請其他男仔飲？」、「我唔係咁想你對其他男仔好…」、「同埋…你想請邊個飲同我講，我幫你請佢哋飲。」

Sophie聞言即反問GM是否「好易呷醋」，更追問GM會否介意她拍親熱戲，GM對此亦坦白說出心底話：「老實講，OK就唔OK架喇…咁但係要𧨾番我咯。」更邊說邊做出害羞表情，還向Sophie投出冧爆眼神，令Sophie大叫：「喂呀」！

首輪「三角枱約會」將淘汰兩名參賽者！5位女神葉蒨文、關嘉敏、梁敏巧、羅毓儀、李芷晴各自與3位組男「三角枱約會」後，每個組別中最低分者，將跌入危險區，再由3位花生團成員江美儀、黎諾懿及黃嘉雯，決定淘汰哪2位。

主持林盛斌阿Bob透露，《女神》請來花生團定生死，全因女藝人談戀愛，要面向的群眾甚多：「好多人覺得女藝人拍拖唔係淨係佢自己嘅事，仲要關乎埋佢哋屋企人、朋友、同事、閨密、網友、粉絲、觀眾，男仔除咗要過女神嗰關，仲要過花生團嗰關。」

（即時娛樂）