王家晴擔任球隊經理人助教練鞭策10位ViuTV藝人練波

更新於 3小時前 • 發布於 3小時前

王家晴（Candy）任公司籃球隊經理人，協助教練梁振雄（Coach Fui）鞭策10位公司藝人練波。（大會提供 / 明報製圖）

郭嘉駿（193）坦言差不多10年沒打籃球，之前因為拍攝劇集《季前賽》才再打籃球。（大會提供）

歐鎮灝（George）透露中學時因為同坐一枱的女同學才開始打籃球。（大會提供）

ViuTV全新節目《公司逼我打籃球》下周一（23日）首播，公司強迫一班有籃球經驗的藝人建立籃球隊及接受不同形式的籃球訓練，並組隊與不同單位進行比賽以驗證成果。郭嘉駿（193）將在第1集透露因工作忽略籃球︰「我想打啊，有時冇咩目標，多工作嘅時候就會忽略咗籃球，因為拍《季前賽》先會打番籃球。我差唔多有10年冇打波。我以前細個真係好鐘意打籃球，每日都打，我想pick up番呢樣嘢。」

歐鎮灝（George）分享接觸籃球的原因：「接觸籃球應該係入咗呢間學校（中學）嘅第一年年尾，嗰陣因為我同桌係女仔，咁佢係籃球隊，的確係因為佢而開始打波，因為我想同佢有多啲connection，跟住就開始同同班同學喺小息嗰陣落去操場打波。」

王家晴（Candy）任球隊經理人，協助曾為香港男子籃球代表隊的籃球教練梁振雄（Coach Fui）鞭策10位公司藝人練波，其中一項訓練是1分鐘來回跑。體能稍遜的George狀態欠佳，他笑言：「就嚟往生！呢種咁激烈嘅訓練，以為自己handle到，但實質出到嚟情况係『你要返去訓練』。我唔會再畀呢個狀態出現，只會容許喺Day 1出現。我想見到自己有進步，如果去到最尾一集都係咁，我會浪費咗拍呢個節目嘅機會！」

節目組於首集預告了不少刻苦訓練過程，公司籃球隊在磨合默契前，節目展示了不少隊內磨擦，過程有笑亦有淚。

（即時娛樂）

查看原始文章