林奕匡新歌受已故方大同影響 葉巧琳《小傷疤》悼愛貓

林奕匡及葉巧琳今天（20日）到新城電台節目宣傳新歌，都是以生死作主題，林奕匡表示新歌《無題時想起的人》是以成熟態度，唱出人生沉重題目，歌詞道出很多事情失去才懂珍惜，他說：「記得寫呢首歌時，剛巧方大同走咗，有啲嘢真係估唔到會發生，失去先發覺咁掛住，去邊度搵番個咁犀利同咁有影響力音樂人？呢首歌一定有受到佢影響，佢嘅音樂一向都影響到我嘅音樂。」問可會考慮為兒子創作兒歌？他稱兒子愛古典音樂，不喜歡嘈吵鯊魚兒歌，他說：「如果兒子要我作，我就作一首畀佢，或者同囝囝一齊作。」

葉巧琳新歌《小傷疤》由林奕匡作曲，首次親自寫廣東歌詞，送給2隻離世的愛貓，她說：「經歷過1年嘅失去，都要時間平復，林奕匡嘅曲連著窩心英文歌詞，好安慰到我，我亦特地保留最後2句英文歌詞。」她指曾現場演唱過一次新歌，唱完立即崩潰，相信之後唱這首歌也會忍不住喊，直言未走出傷痛，她說：「明白宣傳新歌每次都會勾起傷痛，就當每次見心理學家或社工，幫我慢慢分擔，都知道需要等時間過，如有緣分明年一定會再養貓。」

（即時娛樂）