高海寧露臍裝晒纖腰　獲「意外假期」飛澳洲滑雪

藝人高海寧以代言人身份到坑口為維特健靈「祛濕輕」拍攝新廣告，以露臍裝示人的她大晒纖腰。今次為新產品拍廣告的她透露獲續約加人工，對酬勞相當滿意。問到事前可有Keep Fit？她說：「一直都有，拍廣告前有多做運動，依家腰圍23、24吋，最Fit應該係選港姐嗰陣22.5吋腰，當年又唔食嘢，仲要五點鐘起身跑步。」

高Ling剛完成《新聞女王2》拍攝，由於《璀璨之城》延期，獲得意外假期。已經兩年沒有放假的她，會跟隨蘇民峰師傅到澳洲旅行學滑雪，問到蘇師傅可有「筍盤」介紹？她說：「冇喎，佢話有心儀嘅可以帶畀佢望一望，唔係睇佢八字，係睇吓佢個人得唔得，但係都要有先得㗎。」對於《璀》煞停後傳聞延遲到10月才開工？她則說：「幾時開工就要等監製通知，但係就冇擔心，其實之前已經出咗劇本，依家執一執劇本，咁拍攝起嚟會更加順暢，好過一路拍一路執。」

日前有網民在海旁捕獲佘詩曼、李施嬅、高海寧和王敏奕拍攝《新2》，更指疑似是劇集結局？高Ling指也有看到報道，消息更登上熱搜，認為是很好的宣傳，至於是否大結局劇情，則留待播出時大家收看。講到有網民直指以大肚裝拍攝的王敏奕好似是真的有喜，高Ling則笑說：「咁就唔知，但係前幾日見佢仲係健步如飛喎。」早前高Ling因工作太過忙碌令身體亮起警號，眼部濕疹問題更困擾她年半，她指正康復中，已經不用使用類固醇治療，但仍會中西合璧進行調理，亦有進行皮膚修復。

此外，最近在網上節目中高Ling講到疫情期間，因經常一個人到內地工作，加上外公離世，亦因工作無法見外公最後一面，令情緒出現問題，更自爆一度想衝出馬路，要睇精神科醫生，用鎮靜劑治療，高Ling說：「呢個年代情緒病係好普遍嘅問題，自己講出嚟係想大家關注自己嘅情緒，睇醫生絕對有幫助，但係自己覺得都係要靠自己諗通，因為同醫生傾偈嗰陣會覺得自己冇事，但係晚上得返自己一個，情緒低落就需要自己面對，所以覺得要靠自己，我會靠冥想去停止胡思亂想。」

東網網站 : https://on.cc/東網Facebook專頁 : https://www.facebook.com/onccnews/