黑雨｜網民湧天文台fb鬧爆：點解今次冇超前部署？

本港今早(29日)多區暴雨，天文台於早上8時05分至9時10分，短短一小時的上班高峰期內，由黃色暴雨警告信號逐步升級至紅色，最終改發黑色暴雨警告信號。不少打工仔冒雨上班後，才發現天文台已掛黑雨，紛紛湧到天文台Facebook專頁發洩不滿，質疑為何不一早預警，批評當局未有發揮「預測」功能。

「今次咁大雨你又預計唔到？」

有網民怒斥：「返晒工先黑雨，好嘢！」、「9:10先掛，真係幾×街！」、「岩岩返工落到狗屎咁，有遮都全身濕晒，返到公司先同我講黑雨？如果黑雨有危險，咁遲先警告，人都已經瓜咗啦！咩叫預警知唔知？」

部分人更質疑當局今次為何沒有「超前部署」：「點解今次冇超前部署？」、「超前部署班人係咪未起身？」、「個個暴雨下返到公司先黑雨，講好的市民安全呢？」、「上次又叻唔切，預測第日落大雨，搞到班小朋友冇畢業典禮，最後一滴雨都冇；今次咁大雨你又預計唔到？」

網民倡「黃紅黑」分18區獲讚

亦有網民建議改善暴雨警告機制：「掛得太遲，考慮下黃紅黑分18區啦！」此提議獲部分人贊同。不過，亦有網民為天文台辯護，指暴雨警告是基於實時數據，批評鬧爆者「黐線，咁都好鬧」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)