葉蒨文分享結婚29年相處秘訣　爆林子祥因一事發火

無綫清談+音樂節目《今晚有歌廳》，今晚（17日）播出一集的嘉賓，是林子祥（阿 Lam）、葉蒨文（沙麗）、《中年好聲音3》冠軍黃博及季軍劉洋；阿 Lam 與沙麗曾擔任《中年3》嘉賓評審，4人甚有緣分。

今集主題是「白頭到老」，沙麗席間以普通話大讚劉洋可愛：「我覺得他像一個招財貓。」節目中，暢所欲言的阿 Lam和沙麗，分享很多有趣小故事，當中包括《零時十分》與阿 Lam經典作品《十分十二吋》之間的微妙關係。沙麗笑言近年發現《零時十分》與《十分十二吋》之間有個巧合，就是《十分十二吋》代表阿Lam生日日期（10 月12 日）之餘，《零時十分》兩組數字倒轉（12：10）也有異曲同工之妙。

另外，阿Lam則爆料指當年創作《零時十分》，靈感竟來自「廁所門」，他說：「閂咗道門有啲回音，好似喺個Studio仔咁，喺嗰度特別有靈感。」主持人周國豐聞言追問：「呢首歌好似話半個鐘就搞掂咗？」他大方回應：「好似廿分鐘（笑）。」並爆料熱線謂：「不過《零時十分》唱到依家，（沙麗）仲係唔明係咩嚟。」

結婚29年、一直被視為圈中模範夫婦的二人，還大方分享夫妻相處秘訣。沙麗說：「第一，一定要 Communicate，我一嬲即刻講…就算忍住都係喺面度（扮嬲豬表情），有咩即刻講，唔會積住積住。」阿Lam聞言即搞Gag：「佢仲嬲我十年前嗰啲…（笑）。」沙麗又大讚阿Lam脾氣好：「佢係一個 quiet貓仔。」 又指阿Lam唯一一次真正動怒，是有一次家庭旅行，女兒因與男朋友傾了很久電話，結果電話費高達4000元，加上女兒在事件上態度不太好，令一向溫和的阿Lam 亦忍不住拍枱發火，沙麗說：「嗰吓我都跳起埋，我未聽過。」

東網網站 : https://on.cc/東網Facebook專頁 : https://www.facebook.com/onccnews/