黃淑蔓出道10首辦歌迷聚會　感慨：冇你哋我乜都冇

歌手黃淑蔓（Feanna）剛踏入24歲，日前出席Fans為她籌辦的生日會，她指今次是出道10周年以來，第一個歌迷聚會兼生日會，非常開心和感動。

Feanna唱新歌《未至於》和Whitney Houston的《I Have Nothing》答謝大家：「我平時喺屋企練歌會唱呢首歌，每次唱都會諗起大家，因為歌詞講中咗我想同大家講嘅說話，冇咗你哋我真係乜都冇。尤其是第一句『Share my life, take me for what I am ～ 'Cause I'll never change all my colors for you～』呢啲都係我想同佢哋講嘅說話，所以有時喺屋企練呢首歌，會喊到傻咗。不過今日有少少偶像包袱，同埋少少緊張，只係有少少眼濕濕，未至於喊嘅。」

Feanna在服裝上亦花了小心思，她笑笑說：「我著咗《我的受保護動物》MV拍攝嘅服裝，從頭都腳都一樣，唯一唔同係我瘦咗，所以條褲有啲鬆。」 除了表演唱歌和玩遊戲，她還帶了多份私人珍藏作為抽獎禮物。而現場布置和應援物令她非常驚喜，尤其是貼滿她出道以來，每首個人單曲的靚相，她眼紅紅說說：「希望未來每一個十年都有大家！」

至於，生日願望，Feanna祝願大家身體健康，說：「最大嘅生日願望，係每一年生日都有大家（Fans）同我一齊慶祝！」

東網網站 : https://on.cc/東網Facebook專頁 : https://www.facebook.com/onccnews/