肥仔爆收埋阿Dee做秘密武器　等樂壇低迷先出Solo歌

藝人梁業（肥仔）及沈貞巧（Gao）今日（3日）現身將軍澳為舞蹈比賽決賽錄影，肥仔表示沒有心水隊伍，因現場很多變數，加上每隊水平都很高，很難講哪隊會贏，最重要希望今日是精彩的賽事。提及節目組特意邀請日本霹靂舞團參與演出，肥仔則笑言是女士「自肥」，見到靚仔令女性同事有強烈滿足感，而自知顏值不足的他特登盛裝出席，笑指要爭番啲分，亦預告決賽上主持們會合體表演。

提及肥仔將於8月中演出舞台劇，他分享自己近日每天中午排練舞台劇，夜晚就排舞，感覺相當充實。而Gao同樣於10月底有舞台劇演出，加上8月舉行的COLLAR演唱會，她指舞台劇方面開始參與workshop，演唱會亦密鑼緊鼓中，自己與團隊都有各方面的練習，因學習到很多新知識，直言不覺忙碌反而很充實。

提到隊友Candy早前指COLLAR中只剩下自己、Ivy與Gao尚未有Solo歌，坦言想推出Solo歌，甚至建議與Gao合唱一事，Gao笑指：「我緊係都想啦，我覺得應該冇人會諗到我同Candy會出首咩歌，如果我哋出嘅話，又或者我同Canvy（Candy&Ivy）咁樣，可能都係一個幾特別嘅火花」，在旁的肥仔即問需不需要男主角，笑言推薦另一位主持田曜誠（Tsoul），得Gao應許後，肥仔即向後方的Tsoul大叫：「我幫你搞掂咗」，畫面相當搞笑。

而問及Gao會否可能今年內出到solo歌，她則指比較難，因為很多工作已排到年尾，肥仔又幫口解釋：「我哋公司有策略嘅，佢哋今年阿Day（許軼）做新人，冇理由又推佢出嚟爭，即係好似我哋Dee哥（何啟華）個策略咁，個樂壇未去到低迷都唔會推佢出嚟。」

問到肥仔不斷幫人接job，推薦隊友保錡？他則提起早前保錡出席足球活動見對方幾開朗，也有參加健身賽事，更大讚保錡清爽的新髮型以及粗壯的手臂。另外，提及ERROR早前進行School Tour，問到之後會否繼續，肥仔則指希望可以，想繼續打入年輕市場，表示自己細個聽陳奕迅的歌，當大個後仍會繼續聽，更會去看其演唱會，因此他笑言：「希望到時班小朋友大個睇我哋演唱會，我哋目光放得好遠，不過唔知幾多年之後嘅事。」

東網網站 : https://on.cc/東網Facebook專頁 : https://www.facebook.com/onccnews/